گاۆاي ارالدارىنداعى رەسەيدىڭ اسكەري جاتتىعۋلارى ساقتىقتى تۋدىرۋى كەرەك دەپ جازدى دەپ حابارلايدى "ادىرنا" ۇلتتىق پورتالى "Daily Express-كە" سىلتەمە جاساپ.
«جەتپىس جىل بۇرىن ءبىز پەرل-حاربورعا شابۋىل جاسادىق... مەن سىزگە بۇل شابۋىلدى ەسكە سالعىم كەلمەيدى، بىراق ورىس اسكەري جاتتىعۋىنا ساقتىقپەن قاراۋ كەرەك»، - دەدى جاپونيانىڭ قورعانىس ءمينيسترىنىڭ ورىنباسارى ياسۋحيدە ناكاياما رەسەيدىڭ ءىس-ارەكەتتەرى مەن ەكىنشى دۇنيەجۇزىلىك سوعىس جىلدارىنداعى جاپون ارمياسىنىڭ امەريكانىڭ واحۋ ارالىنا شابۋىلى جايلى ايتا كەلىپ.
ول سونداي-اق، قىتايعا قاتىستى وقشاۋلاۋ ساياساتىن جۇرگىزۋگە شاقىردى.
"امەريكا قۇراما شتاتتارىنىڭ ءۇندى-تىنىق مۇحيتى قولباسشىلىعى باتىس تىنىق مۇحيتىنداعى حالىقارالىق سۋلاردا جۇمىس ىستەيتىن رەسەيلىك كەمەلەردى باقىلايدى. ءبىز رەسەيدەن مانەۆرلەرىن حالىقارالىق قۇقىقتى بۇزباي جۇزەگە اسىرادى دەپ كۇتەمىز", - دەپ قورىتىندىلادى ءسوزىن مينيستر ورىنباسارى.
بۇعان دەيىن رەسەي قورعانىس مينيسترلىگى تىنىق مۇحيت فلوتىنىڭ كەمەلەرى تەڭىز اۆياتسياسىمەن بىرگە قازىرگى تاريحتا تۇڭعىش رەت تىنىق مۇحيتىنىڭ ورتالىق بولىگىندە، كۋريلەدەن وڭتۇستىك-شىعىسقا قاراي 4,6 مىڭ شاقىرىم قاشىقتىقتا مانەۆر جاسايتىنىن حابارلاعان بولاتىن.
"ادىرنا" ۇلتتىق پورتالى.
