Gavaı araldaryndaǵy Reseıdiń áskerı jattyǵýlary saqtyqty týdyrýy kerek dep jazdy dep habarlaıdy "Adyrna" ulttyq portaly "Daily Express-ke" silteme jasap.
«Jetpis jyl buryn biz Perl-Harborǵa shabýyl jasadyq... Men sizge bul shabýyldy eske salǵym kelmeıdi, biraq orys áskerı jattyǵýyna saqtyqpen qaraý kerek», - dedi Japonııanyń qorǵanys mınıstriniń orynbasary Iasýhıde Nakaıama Reseıdiń is-áreketteri men Ekinshi dúnıejúzilik soǵys jyldaryndaǵy japon armııasynyń Amerıkanyń Oahý aralyna shabýyly jaıly aıta kelip.
Ol sondaı-aq, Qytaıǵa qatysty oqshaýlaý saıasatyn júrgizýge shaqyrdy.
"Amerıka Qurama Shtattarynyń Úndi-Tynyq muhıty qolbasshylyǵy Batys Tynyq muhıtyndaǵy halyqaralyq sýlarda jumys isteıtin reseılik kemelerdi baqylaıdy. Biz Reseıden manevrlerin halyqaralyq quqyqty buzbaı júzege asyrady dep kútemiz", - dep qorytyndylady sózin mınıstr orynbasary.
Buǵan deıin Reseı qorǵanys mınıstrligi Tynyq muhıt flotynyń kemeleri teńiz avıaııasymen birge qazirgi tarıhta tuńǵysh ret Tynyq muhıtynyń ortalyq bóliginde, Kýrıleden ońtústik-shyǵysqa qaraı 4,6 myń shaqyrym qashyqtyqta manevr jasaıtynyn habarlaǵan bolatyn.
"Adyrna" ulttyq portaly.
