رەسەيدەگى تاجىكستان ەلشىلىگى ماسكەۋدىڭ ءبىر كوشەسىندە سكينحەدتەرمەن (ناتسيستتەرمەن – رەد.) بولعان قاقتىعىسقا قاتىسقان تاتارستان رەسپۋبليكاسىنىڭ ازاماتى ءامىرشو حۋسەينوۆتىڭ ۇستالۋىنا بايلانىستى رەسەي سىرتقى ىستەر مينيسترلىگىنە نوتا جىبەردى، دەپ حابارلايدى «ادىرنا» ءتىلشىسى.
23 ماۋسىمنىڭ كەشىندە سكينحەدتەر تولبۋحين كوشەسىنىڭ بويىندا «رەسەي ورىس ءۇشىن، ماسكەۋ ماسكەۋلىكتەر ءۇشىن!» دەپ ايقايلاپ، باسقا ۇلت وكىلدەرىنە ءتىل تيگىزگەن. داعىستاندىقتار مەن تاجىكستان ازاماتى قاتىسقان سكينحەدتەرمەن ۇرىس بولعان. پوليتسيا توبەلەستىڭ بىرنەشە قاتىسۋشىسىن، ونىڭ ىشىندە اميرشو حۋسەينوۆتى تۇتقىنداعان.
ۇستالعاندارىنا بىرنەشە ساعات بولعاننان كەيىن اميرشو حۋسەينوۆتان باسقا بارلىق سكينحەد مەن داعىستاندىق بوساتىلىپ، ولارعا قاتىستى قىلمىستىق كودەكستىڭ 213-بابى (بۇزاقىلىق) بويىنشا قىلمىستىق ءىس قوزعالعان.
رەن تۆ حابارلاعانداي، توبەلەس ناتيجەسىندە بىرنەشە ۇلتشىلدار اۋرۋحاناعا تۇسكەن.
تاجىكستاننىڭ رەسەيدەگى ەلشىسى يمومۋددين ساتتوروۆتىڭ ايتۋىنشا، ەلشىلىك وقيعانىڭ بارلىق ءمان-جايىن وبەكتيۆتى جانە اشىق تەرگەۋدى تالاپ ەتەدى.
حۋسەينوۆتىڭ تۋىستارى ونى جابىرلەنۋشى دەپ ساناسا، رەسەي بيلىگى ازاماتتى بۇزاقىلىق جاسادى دەپ ايىپتاپ وتىر.
«ادىرنا» ۇلتتىق پورتالى
