Reseıdegi Tájikstan elshiligi Máskeýdiń bir kóshesinde skınhedtermen (naısttermen – red.) bolǵan qaqtyǵysqa qatysqan Tatarstan Respýblıkasynyń azamaty Ámirsho Hýseınovtiń ustalýyna baılanysty Reseı Syrtqy ister mınıstrligine nota jiberdi, dep habarlaıdy «Adyrna» tilshisi.
23 maýsymnyń keshinde skınhedter Tolbýhın kóshesiniń boıynda «Reseı orys úshin, Máskeý máskeýlikter úshin!» dep aıqaılap, basqa ult ókilderine til tıgizgen. Daǵystandyqtar men Tájikstan azamaty qatysqan skınhedtermen urys bolǵan. Polıııa tóbelestiń birneshe qatysýshysyn, onyń ishinde Amırsho Hýseınovty tutqyndaǵan.
Ustalǵandaryna birneshe saǵat bolǵannan keıin Amırsho Hýseınovtan basqa barlyq skınhed men daǵystandyq bosatylyp, olarǵa qatysty Qylmystyq Kodekstiń 213-baby (Buzaqylyq) boıynsha qylmystyq is qozǵalǵan.
REN TV habarlaǵandaı, tóbeles nátıjesinde birneshe ultshyldar aýrýhanaǵa túsken.
Tájikstannyń Reseıdegi elshisi Imomýddın Sattorovtyń aıtýynsha, elshilik oqıǵanyń barlyq mán-jaıyn obektıvti jáne ashyq tergeýdi talap etedi.
Hýseınovtiń týystary ony jábirlenýshi dep sanasa, Reseı bıligi azamatty buzaqylyq jasady dep aıyptap otyr.
«Adyrna» ulttyq portaly
