الماتى وبلىسىنىڭ جۋرناليستەرى وزدەرىنىڭ كاسىبي مەرەكەلەرىن اتاپ ءوتتى

2136
Adyrna.kz Telegram

بۇگىن الماتى وبلىسىنىڭ اكىمى اماندىق باتالوۆ جۋرناليستەردى كاسىبي مەرەكەسى - بايلانىس جانە اقپارات قىزمەتكەرلەرى كۇنىمەن قۇتتىقتادى.

ءىس-شاراعا "تەنگرينيۋس" اقپاراتتىق اگەنتتىگىنىڭ باس ديرەكتورى سۇڭقار قارابالين، قازاق تەلەديدارىنىڭ مەترى، جۋرناليستيكا ارداگەرى تىلەۋقابىل مىڭجاسار ، اۋداندىق، وبلىستىق جانە رەسپۋبليكالىق باق وكىلدەرى قاتىستى.

كەزدەسۋگە قاتىسۋشىلارعا قۇتتىقتاۋ سوزىندە وبلىس اكىمى اماندىق باتالوۆ بۇقارالىق اقپارات قۇرالدارىنىڭ ەلىمىزدىڭ اقپاراتتىق ساياساتىن جۇزەگە اسىرۋداعى ماڭىزدى ءرولىن اتاپ ءوتىپ، ءوڭىردىڭ الەۋمەتتىك-ەكونوميكالىق دامۋ جانە مەملەكەتتىك باعدارلامالاردى جۇزەگە اسىرۋداعى ماڭىزدى جەتىستىكتەرى تۋرالى ايتتى.

- بۇگىندە بىزدە باق سالاسىندا ءوز ىسىنە بەرىلگەن مىڭنان استام تالانتتى، بىلىكتى ماماندار ەڭبەك ەتەدى. سىزدەر وقىرماندارىڭىزدىڭ، كورەرمەندەردىڭ جانە تىڭداۋشىلاردىڭ ماسەلەلەرىمەن ءومىر سۇرەسىزدەر، ولارعا جەدەل جانە سەنىمدى اقپارات الۋعا كومەكتەسەسىزدەر.سىزدەر وبلىس تۇرعىندارىنىڭ مۇددەسىن ادال قورعاپ، حالىقپەن ساپالى كەرى بايلانىستى قامتاماسىز ەتەسىزدەر، بيلىككە ماسەلەلەردى تالداۋعا جانە ولاردى شەشۋدىڭ ءتيىمدى جولدارىن تابۋعا كومەكتەسەسىزدەر. كەيدە بۇل ءسىزدىڭ تاراپىڭىزدان سىنسىز بولمايدى، بىراق بۇل سىزدەپدىڭ بىزگە بەرگەن كومەكتەرىڭىز. ءبىز ءاردايىم بارلىق باق-تارمەن بەلسەندى قارىم-قاتىناس جاساۋعا تىرىسامىز جانە كۇندەلىكتى جۇمىستا ەكرانداردا، ينتەرنەتتە، گازەتتەردە، راديو مەن الەۋمەتتىك جەلىلەردە شىعاتىن بارلىق اقپاراتتى پايدالانامىز. سىزدەر اقپاراتتىق قولداۋسىز ادامداردىڭ ءومىرى مەن وبلىستىڭ دامۋى ءۇشىن ماڭىزدى ءبىر وقيعانى قالدىرماي، بارلىق باسقا جاڭالىقتارعا بەلسەندى نازار اۋدارۋدى جالعاستىرۋداسىزدار. ويتكەنى جەتىسۋ ولكەسى ءاردايىم جۋرناليستيكانىڭ مىقتى داستۇرلەرىمەن تانىمال بولعان، ال ءبىزدىڭ باق-تىڭ قالىپتاسۋى بۇكىل ءوڭىردىڭ تاريحىن بەينەلەيدى، - دەدى ول.

سودان كەيىن وبلىس اكىمى كاسىبيلىگى مەن مەملەكەتتىك اقپاراتتىق ساياساتتى ىسكە اسىرۋعا بەلسەندى قاتىسقانى ءۇشىن بىرقاتار جۋرناليستەردى ماراپاتتادى. "ىلە تاڭى" گازەتى رەداكتورىنىڭ ورىنباسارى روزا ايداربەكوۆا، "جەتىسۋ" گازەتىنىڭ مەنشىكتى ءتىلشىسى قانات ءبىرجانسالوۆ "ەڭبەك ارداگەرى"توسبەلگىسىنە يە بولدى.

قر اقپارات جانە كوممۋنيكاتسيالار مينيسترلىگىنىڭ "اقپارات سالاسىنىڭ ۇزدىگى" توسبەلگىسىنە "جاركەنت ءوڭىرى" گازەتىنىڭ باس رەداكتورى باعدات ايتمۇقاەۆا، "جەتىسۋ" تەلەارناسىنىڭ جاڭالىقتار شىعارىلىمىنىڭ رەداكتورى نازگۇل بوشانوۆا ، جەتىسۋ" گازەتىنىڭ مەنشىكتى ءتىلشىسى ۇلبوسىن يسابەكوۆا، "جەتىسۋ" گازەتىنىڭ ءتىلشىسى گۇلجان تۇرسىن يە بولدى .
قازاقستان رەسپۋبليكاسىنىڭ قۇرمەتتى ءجۋرناليستى اتاعىن "وگني الاتاۋ"گازەتىنىڭ مەنشىكتى ءتىلشىسى رامازان ەلەشەۆ الدى.

سونداي-اق، بىرقاتار جۋرناليستەر وبلىس اكىمى مەن قر اقپارات جانە كوممۋنيكاتسيالار مينيسترلىگىنىڭ قۇرمەت گراموتالارىمەن جانە العىس حاتتارىمەن ماراپاتتالدى. ولاردىڭ قاتارىندا "نۇرلى كوكسۋ" گازەتىنىڭ باس رەداكتورى ايگۇل ايمانبەكوۆا، "وگني الاتاۋ" گازەتىنىڭ ءتىلشىسى ءجاميلا اتيباەۆا، پانفيلوۆ اۋدانى اكىمىنىڭ ءباسپاسوز حاتشىسى نۇربول حاناعات، "Jetisý media" كمم مامانى ايمان اسىلبەكوۆا بار.
جۋرناليستەردىڭ اتىنان "جەتىسۋ" گازەتىنىڭ مەنشىكتى ءتىلشىسى قانات ءبىرجانسالوۆ ءسوز الدى.
ارىپتەستەرىن مەرەكەمەن قۇتتىقتاي وتىرىپ، ول وتكەن كەزەڭدەگى وبلىستىڭ جەتىستىكتەرىن اتاپ ءوتتى، سونداي-اق كورسەتكەن قۇرمەت پەن قولداۋ ءۇشىن العىسىن ءبىلدىردى.
ءوز كەزەگىندە "Jetisý media" كمم مامانى ايمان اسىلبەكوۆا بارلىعىن مەرەكەمەن قۇتتىقتاپ، كوڭىل بولگەنى ءۇشىن العىسىن ءبىلدىردى.
سالتاناتتى شارانىڭ سوڭىندا مەرەكەلىك كونتسەرت ءوتتى.
ايتا كەتەيىك، بۇگىنگى تاڭدا الماتى وبلىسىندا جۇمىس ىستەيتىن 37 جۋرناليست "حالىق العىسى" قۇرمەت مەدالىمەن ماراپاتتالدى.

پىكىرلەر