وزبەكستاندا اۋعانستان مەملەكەتىندەگى جاعدايعا بايلانىستى اسكەري بولىمدەردىڭ جاۋىنگەرلىك دايىندىعىن تەكسەرۋ باستالدى، دەپ حابارلايدى «ادىرنا» ءتىلشىسى.
بۇعان دەيىن ەلدىڭ سىرتقى ىستەر مينيسترلىگى وزبەكستانعا اۋعانستان شەكاراسىنىڭ 53 قارۋلى اسكەري قىزمەتكەرى وتكەنىن مالىمدەگەن ەدى. وسىعان بايلانىستى تاشكەنت جانە وڭتۇستىك-باتىس اۋداندارى مەن اۋە قورعانىسى، اۋە كۇشتەرىنىڭ اسكەري بولىمدەرىندە جەكە قۇرام مەن اسكەري تەحنيكانىڭ جاۋىنگەرلىك دايىندىعىن جوسپارلى تۇردە تەكسەرۋ جۇرگىزىلىپ جاتىر.
سونىمەن قاتار، الداعى ۋاقىتتا تاجىريبە الماسۋ ماقساتىندا انگرەن مەن تەرمەزدەگى (اۋعانستانمەن شەكارادا – رەد.) بىرىككەن قارۋ-جاراق پوليگوندارىنىڭ اۋماعىندا تاكتيكالىق جاتتىعۋلار وتپەك.
«ادىرنا» ۇلتتىق پورتالى
