اقتاۋدا جۇبايىن ولتىرگەن ەر ادام 9 جىلعا باس بوستاندىعىنان ايىرىلدى، دەپ حابارلايدى «ادىرنا» ءتىلشىسى ماڭعىستاۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءباسپاسوز قىزمەتىنە سىلتەمە جاساپ.
«قك-ءنىڭ 99-بابىنىڭ 1-بولىگىمەن، 188-بابىنىڭ 1-بولىگىمەن سوتتالۋشى «ر»-عا قاتىستى قىلمىستىق ءىس قارالدى.
انىقتالعانداي، سوتتالۋشى «ر» ءوز ايەلىن جابىرلەنۋشى «پ»-دان قىزعانىش ۇستىندە ولتىرگەن. 30.12.2020 جىلى ساعات 20.00 شاماسىندا، جابىرلەنۋشى «پ»-نىڭ پاتەرىنە بارىپ، ول ەسىگىن اشقان بويدا جۇدىرىعىمەن ەر ادامدى ۇرىپ قۇلاتقان.
«ودان ءارى، «ر» ءوزىنىڭ قاساقانا قىلمىستىق ءىس-ارەكەتىن جالعاستىرىپ، «پ»-نىڭ ولگەنىنە كوز جەتكىزىپ، ونىڭ 20 000 تەڭگە تۇرتىن «نوكيا» ماركالى ۇيالى تەلەفونىن جاسىرىن جىمقىرىپ، قىلمىس بولعان جەردەن بوي تاسالاپ كەتكەن»،– دەلىنگەن حابارلامادا.
ماڭعىستاۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن «ر» قازاقستان رەسپۋبليكاسى قك-ءنىڭ 99-بابىنىڭ 1-بولىگىمەن، 188-بابىنىڭ 1-بولىگىمەن كىنالى دەپ تانىلىپ، وعان 9 جىل جىل مەرزىمگە باس بوستاندىعىنان ايىرۋ جازاسى تاعايىندالدى.
«ادىرنا» ۇلتتىق پورتالى
