ەلىمىزدە سوڭعى كەزدەرى ازىق-تۇلىك باعاسىنىڭ، سونىڭ ىشىندە كوكونىستەردىڭ باعاسىنىڭ قىمباتتاپ جاتقانى بەلگىلى. "ادىرنا" ۇلتتىق پورتالىنىڭ ءتىلشىسى الماتى قالاسىنداعى دۇكەندەر جەلىسى مەن جەمىس-جيدەك (كوكونىس) ساتاتىن ورىندارعا بارىپ، باعانىڭ قالاي وزگەرگەنىن ءبىلىپ قايتتى.
وتاندىق كارتوپ باعاسى - 235 تەڭگە بولسا، ەگيپەتتەن كەلگەن كارتوپتار دۇكەندەردە 399 تەڭگەدەن ساتىلىپ جاتىر. كاپۋستا - 119, جۋا - 113 تەڭگە. ال جاس ءسابىز باعاسى - 507 تەڭگەگە دەيىن كوتەرىلگەن.
وسى تۇرعىدا جەمىس-جيدەك ساتاتىن ورىندارداعى ساۋداگەرلەر باعانىڭ وسۋىنە قاتىستى ويلارىن دا ايتتى.
ء"بىر وتباسىعا ءبىر پاكەت كارتوپ. ودان ارتىق الۋعا بولمايدى. بىرنەشە ادام بولىپ كەلسەڭىز دە، ءبىر پاكەت كارتوپ الا الاسىز. بىزگە بەرىلگەن تاپسىرما وسىنداي. باقىلاۋدا ۇستاۋىمىز كەرەك. ايتپەسە، باسقالارعا، ازىق-تۇلىكتى قاجەتسىنىپ وتىرعان ادامدارعا كارتوپ جەتپەي قالۋى مۇمكىن", - دەيدى ساتۋشى.
ودان بولەك ساتۋشىلاردىڭ سوزدەرىنەن وتاندىق ءونىم باعاسىنىڭ اسا قىمباتتاماعانىن، ال شەتەلدىك تاۋارلاردىڭ جوعارى باعادا ساتىلىپ جاتقانىن بىلە الدىق.
"وتاندىق ءونىم، ەلىمىزدە وسىرىلگەن كوكونىستەر ارزان باعادا ساتىلىپ جاتىر. الايدا وزبەكستاننان كەلگەن ونىمدەر مەن ەگيپەتتەن كەلەتىن كارتوپ باعاسى قىمبات. سونىمەن قاتار وتاندىق ءسابىز باعاسى دا اسپانداپ تۇر", - دەيدى تاعى ءبىر ساۋداگەر.
اقمارال بەرەكەت،
"ادىرنا" ۇلتتىق پورتالى
