ەگيپەتتىك ونەرتاپقىشتار سۋ بەتىندە جۇرە الاتىن كولىك جاساپ شىعارعان دەپ حابارلايدى "ادىرنا" ۇلتتىق پورتالى.
مەحانيكتەر الداعى ۋاقىتتا بۇل كولىكتىڭ قۇرلىقتا دا ەركىن ءجۇرۋى ءۇشىن بار ءبىلىمى مەن جيناعان تاجىريبەلەرىن ورتاعا سالماق.
بيىل تۋريستەر مىسىردىڭ سولتۇستىك جاعالاۋىندا ءمولدىر سۋعا شومىلىپ، سۋ بەتىندە جۇرەتىن كولىكتىڭ قىزىعىن كورە الادى. جايلى ءارى تارتىمدى كولىكتەرگە قازىر تۋريستەر ەرەكشە قىزىعۋشىلىق تانىتىپ وتىرعان كورىنەدى.
ونەرتاپقىشتار كولىكتىڭ موتورىن جاپونيادان اكەلگەن. ال قالعان قۇرال-جابدىقتارى ەگيپەتتە جاسالعان.
ولار مۇنداي 12 كولىك جاساپ شىعارىپ، پايدالانۋعا بەرگەن.
سۋ بەتىندە جۇرە الاتىن ماشينانىڭ قۇنى — 19-45 مىڭ دوللار ارالىعىندا.
"ادىرنا" ۇلتتىق پورتالى.
