تالعات مۇساباەۆ: "ماعان نەگىزسىز ايىپ تاعىلدى"

5999

سەناتور، بەلگىلى عارىشكەر تالعات مۇساباەۆ قىزعا شابۋىل جاسادى دەگەن ايىپتاۋعا جاۋاپ بەردى دەپ حابارلايدى "ادىرنا" ۇلتتىق پورتالى "Tengrinews.kz-كە" سىلتەمە جاساپ.

"24 ماۋسىم كۇنى ترياتلون ساياباعىندا بولعان وقيعاعا بايلانىستى بىلاي دەگىم كەلەدى. سەرىگىممەن كەشەگى سەرۋەن كەزىندە يت جەتەكتەگەن قىز بىزگە قارسى جۇگىرەتىن جولاقپەن كەلە جاتتى. وعان ءيتىنىڭ تۇمىلدىرىقسىز ەكەنىن ايتىپ، ەسكەرتۋ جاسادىم، سەبەبى مۇنى باسقا ادامدارعا قاۋىپتى دەپ سانادىم. بىراق بىزگە جاعىمسىز ءارى دورەكى جاۋاپ ايتىلدى، الەۋمەتتىك جەلىدەگى پاراقشاسىندا ول ءوزى دە جازدى", - دەدى ت.مۇساباەۆ.

ونىڭ ايتۋىنشا، قىز پوليتسيا شاقىرتقاننان كەيىن پوليتسەيلەر كەلۋىن كۇتىپ، كۋالىك بەرۋگە، ءوز قۇقىعىن زاڭ بويىنشا قورعاۋعا دايىن ەكەنىن جەتكىزگەن.

"پوليتسيانىڭ ەكى قىزمەتكەرى كەلگەن سوڭ تۇسىنىك بەرىلدى، ارىزدانۋشى دا تۇسىنىك بەردى. مەنىڭ تاراپىمنان ەشقانداي دا زاڭعا قايشى ارەكەت، دەنە جاراقاتىن سالۋ ارەكەتى بولعان جوق. ونىڭ ۇستىنە، قىز بىزگە قول سوزىپ، كەشىرىم سۇرادى. "ۇرىپ-سوعۋ" تۋرالى ايىپتاۋ نەگىزسىز دەپ ەسەپتەيمىن", - دەدى ول.

ەسكە سالايىق، تالعات مۇساباەۆ پەن استانالىق تۇرعىن الينا نۇرتاس اراسىنداعى جاعداي 24 ماۋسىمدا يت سەرۋەندەپ جۇرگەندە بولعان. الينا نۇرتاستىڭ ايتۋىنشا، وقيعا ورنىنا پوليتسيا شاقىرىلعان، كەيىن ول قۇقىقبۇزۋشى سەنات دەپۋتاتى تالعات مۇساباەۆ ەكەنىن بىلگەن.

"ادىرنا" ۇلتتىق پورتالى.

پىكىرلەر
رەداكتسيا تاڭداۋى