Aqtóbe oblysynda osyndaı ataýmen 25 maýsymnan bastap ekpe alý naýqany ótedi dep habarlaıdy "Adyrna" ulttyq portalynyń tilshisi.
Naýqan eki kezeń boıynsha ótkiziledi: 25 maýsymnan 10 tamyzǵa deıin jáne 11 tamyzdan 25 qyrkúıekke deıin.
Naýqanǵa 25 maýsym men 25 qyrkúıek aralyǵynda oblys aýmaǵynda koronavırýs ınfekııasyna qarsy kez kelgen ekpeniń birinshi komponentin alǵan turǵyndardyń barlyǵy qatysa alady. Jeńimpazdar jergilikti «AQTOBE» telearnasynyń tikeleı efırinde kezdeısoq tártipte anyqtalady.
Ár kezeńniń basty júldesi — 2021 jyly shyqqan «Chevrolet Cobalt» markaly avtokólik.
Sondaı-aq, naýqan barysynda smartfondar, planshetter, sporttyq velosıpedter, robot shańsorǵyshtar men smart-saǵattar sııaqty aralyq júldeler de oınatylatyn bolady. Naýqan demeýshilerdiń qarajatyna ótkizilýde. Naýqannyń tolyq erejelerimen aktobe.gov.kz. saıtynda tanysýǵa bolady.
"Adyrna" ulttyq portaly.
