شىمكەنت قالاسىنىڭ اكىمى مۇرات ايتەنوۆ تۇرعىنداردى ونلاين رەجيمدە قابىلداپ، ماسەلەلەرىن تىڭدادى.
كەزەكتى جەكە قابىلداۋعا قالا اكىمىنىڭ ورىنباسارلارى، اۋدان اكىمدەرى جانە باسقارما باسشىلارى قاتىستى.
تۇرعىندار نەگىزىنەن ينفراقۇرىلىم، الەۋمەتتىك، كوممۋنالدىق شارۋاشىلىق سالاسىنداعى ماسەلەلەردى كوتەردى. قالا اكىمى ءاربىر تۇرعىننىڭ شاعىمىن تىڭداپ، ءتيىستى سالا باسشىلارىنا تاپسىرما بەردى.
اباي اۋدانىنىڭ تۇرعىنى جولداسبەك جانبۋرشىن نۇرشۋاق شاعىناۋدانىنىڭ (سولتۇستىك ساياجاي) اۋىزسۋ ماسەلەسىنە نازار اۋداردى.
شاعىناۋداندى اۋىزسۋمەن قامتاماسىز ەتۋ ماقساتىندا 2020 جىلى مەردىگەر مەكەمە «بەس قارا» جشس تاراپىنان قۇرىلىس جۇمىستارى باستالعان بولاتىن. نىسان 2021 جىلعا وتپەلى. جوبا قۇنى – 2 ملرد 985,6 ملن تەڭگە.
قالا اكىمى قۇرىلىس جۇمىستارى 2021 جىلدىڭ قاراشا ايىندا اياقتالىپ، شاعىناۋدان ساپالى اۋىزسۋمەن قامتىلاتىن اتاپ ءوتتى.
قاراتاۋ اۋدانى اسار-2 شاعىناۋدانىنىڭ تۇرعىنى تۇردالى شىناسىلوۆ ەلەكتر جارىعىنىڭ ماسەلەسىن العا تارتتى.
جوسپارعا سايكەس، اعىمداعى جىلدىڭ 20 شىلدەسىندە قوسالقى ستانتسيانىڭ قۇرىلىسى اياقتالادى. جالپى اسار-2 ەلدىمەكەنىن تۇراقتى ەلەكتر كوزىنە قوسۋ جۇمىستارى 1 تامىزعا دەيىن تولىق اياقتالادى دەپ كۇتىلۋدە. شاعىناۋداندى ساپالى ەلەكتر قۋاتىمەن قامتۋ ماقساتىندا مەردىگەر مەكەمە «رەمستروي الماتى» اق-ى تاراپىنان ەلەكتر باعانالارىن، ەلەكتر جەلىلەرىن سالۋ جۇمىستارى جۇرگىزىلدى.
قالا اكىمى جوباعا سايكەس، 2 765 تۇرعىن ءۇي ساپالى ەلەكتر قۋاتىمەن قامتاماسىز ەتىلەتىنىن ايتتى.
ءال-فارابي اۋدانىنىڭ تۇرعىنى كريستينا كوروبكوۆا دۋلاتي، قازىبەك بي كوشەسىندەگى كارىز جۇيەسى ماسەلەسىن شەشۋدى ءوتىندى.
قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ جۇمىس جوسپارىنا سايكەس، شولوحوۆ كوشەسىنىڭ بويىندا كارىز جۇيەلەرىنىڭ قۇرىلىسى 2022-2023 جىلدارى جۇرگىزىلەدى.
ەڭبەكشى اۋدانىنىڭ تۇرعىنى تالعات كۇزەرباەۆ تسەلياكيا دياگنوزىمەن اۋىراتىن بالالارعا ارنايى گليۋتەنسىز ەمدىك تاعاممەن قامتاماسىز ەتۋدى سۇرادى.
2021 جىلى 17 مامىردا «shymzdrav.kz» سايتىندا تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ ءۇشىن دارىلىك زاتتاردى ساتىپ الۋعا قايتا مەملەكەتتىك ساتىپ الۋ كونكۋرسى جاريالانعان. مەملەكەتتىك ساتىپ الۋ كونكۋرسىنىڭ وتىنىمدەرىن اعىمداعى جىلدىڭ 7 ماۋسىمدا اشۋ جوسپارلانىپ وتىر.
شاھار باسشىسى ازاماتتاردىڭ ماسەلەلەرى تۇراقتى باقىلاۋدا بولاتىنىن ايتىپ، باسقارما باسشىلارى جانە اۋدان اكىمدەرىنە ماسەلەلەردى تەرەڭ زەردەرەپ بارىپ، زاڭ اياسىندا شەشۋ جولدارىن قاراستىرۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
