Shymkent qalasynyń ákimi Murat Áıtenov turǵyndardy onlaın rejımde qabyldap, máselelerin tyńdady.
Kezekti jeke qabyldaýǵa qala ákiminiń orynbasarlary, aýdan ákimderi jáne basqarma basshylary qatysty.
Turǵyndar negizinen ınfraqurylym, áleýmettik, kommýnaldyq sharýashylyq salasyndaǵy máselelerdi kóterdi. Qala ákimi árbir turǵynnyń shaǵymyn tyńdap, tıisti sala basshylaryna tapsyrma berdi.
Abaı aýdanynyń turǵyny Joldasbek Janbýrshyn Nurshýaq shaǵynaýdanynyń (Soltústik saıajaı) aýyzsý máselesine nazar aýdardy.
Shaǵynaýdandy aýyzsýmen qamtamasyz etý maqsatynda 2020 jyly merdiger mekeme «Bes qara» JShS tarapynan qurylys jumystary bastalǵan bolatyn. Nysan 2021 jylǵa ótpeli. Joba quny – 2 mlrd 985,6 mln teńge.
Qala ákimi qurylys jumystary 2021 jyldyń qarasha aıynda aıaqtalyp, shaǵynaýdan sapaly aýyzsýmen qamtylatyn atap ótti.
Qarataý aýdany Asar-2 shaǵynaýdanynyń turǵyny Turdaly Shynasylov elektr jaryǵynyń máselesin alǵa tartty.
Josparǵa sáıkes, aǵymdaǵy jyldyń 20 shildesinde qosalqy stanııanyń qurylysy aıaqtalady. Jalpy Asar-2 eldimekenin turaqty elektr kózine qosý jumystary 1 tamyzǵa deıin tolyq aıaqtalady dep kútilýde. Shaǵynaýdandy sapaly elektr qýatymen qamtý maqsatynda merdiger mekeme «Remstroı Almaty» AQ-y tarapynan elektr baǵanalaryn, elektr jelilerin salý jumystary júrgizildi.
Qala ákimi jobaǵa sáıkes, 2 765 turǵyn úı sapaly elektr qýatymen qamtamasyz etiletinin aıtty.
Ál-Farabı aýdanynyń turǵyny Krıstına Korobkova Dýlatı, Qazybek bı kóshesindegi káriz júıesi máselesin sheshýdi ótindi.
Qalalyq energetıka jáne ınfraqurylymdy damytý basqarmasynyń jumys josparyna sáıkes, Sholohov kóshesiniń boıynda káriz júıeleriniń qurylysy 2022-2023 jyldary júrgiziledi.
Eńbekshi aýdanynyń turǵyny Talǵat Kúzerbaev elıakııa dıagnozymen aýyratyn balalarǵa arnaıy glıýtensiz emdik taǵammen qamtamasyz etýdi surady.
2021 jyly 17 mamyrda «shymzdrav.kz» saıtynda tegin medıınalyq kómektiń kepildik berilgen kólemin kórsetý úshin dárilik zattardy satyp alýǵa qaıta memlekettik satyp alý konkýrsy jarııalanǵan. Memlekettik satyp alý konkýrsynyń ótinimderin aǵymdaǵy jyldyń 7 maýsymda ashý josparlanyp otyr.
Shahar basshysy azamattardyń máseleleri turaqty baqylaýda bolatynyn aıtyp, basqarma basshylary jáne aýdan ákimderine máselelerdi tereń zerderep baryp, zań aıasynda sheshý joldaryn qarastyrýdy tapsyrdy.
Shymkent qalasy ákimdiginiń baspasóz qyzmeti
