ۋكرايناعا قارسى سوعىستا رەسەي تاراپىندا سوعىسقان كحدر-دىڭ اسكەري قىزمەتكەرلەرى شىعىنعا ۇشىراعاننان كەيىن كۋرسك وبلىسىنا شەگىندى، دەپ حابارلايدى "ادىرنا" ۇلتتىق پورتالى.
بۇل تۋرالى بەيسەنبى كۇنى امەريكالىق The New York Times گازەتى اتى-ءجونى اتالماعان ۋكراينالىق جانە امەريكالىق شەنەۋنىكتەرگە سىلتەمە جاساپ حابارلاعان. ولاردىڭ ايتۋىنشا، سولتۇستىككورەيالىق اسكەري قىزمەتكەرلەرسوڭعى ەكى اپتادا مايدان شەبىندە بايقالماعان.
ۋكراينالىق شەنەۋنىكتىڭ تۇسىندىرۋىنشە، كحدر اسكەري كۇشتەرى مەن رەسەيلىك اسكەرلەردىڭ ۇيلەسىمدىلىكتە بولماۋى ولاردىڭ شىعىندارىنىڭ ارتۋىنا سەبەپ بولعان. سولتۇستىككورەيالىق ساربازدار سوعىس الاڭىنا كەلگەن كەزدەن باستاپ ءوز بەتتەرىمەن ارەكەت ەتىپ، از عانا برونەتەحنيكامەن العا جىلجىعان جانە سيرەك جاعدايدا عانا قايتا توپتاسۋ ءۇشىن ايالداعان.
ۋكرايناداعى دەرەككوزدەرگە سىلتەمە جاساعان NYT باسىلىمى وسىنداي اقپارات تاراتتى. بۇعان دەيىن بريتاندىق Sky News تەلەارناسى دا كحدر اسكەرلەرىنىڭ ۇلكەن شىعىندارعا ۇشىراپ، مايدان شەبىنەن شىعارىلعانىن حابارلاعان.
ۋكراينا قارۋلى كۇشتەرىنىڭ ارنايى وپەراتسيالار كۇشتەرىنىڭ وكىلى الەكساندر كيندراتەنكو دا ءوز باعىتى بويىنشا كحدر اسكەري قىزمەتكەرلەرىنىڭ جوق ەكەنىن راستادى.
"كحدر اسكەرلەرى شامامەن ءۇش اپتا بويى بايقالمادى. بالكىم، ولار اۋىر شىعىنعا ۇشىراپ، شەگىنۋگە ءماجبۇر بولعان", – دەپ جازدى ونىڭ ءسوزىن ۋكراينسكايا پراۆدا باسىلىمى.
ال رەسەي بيلىگى سولتۇستىك كورەيا اسكەري كۇشتەرىنىڭ شەگەرىلۋى تۋرالى اقپاراتقا تۇسىنىكتەمە بەرمەدى.
"وندا دۇرىس تا، بۇرىس تا، قيسىنسىز دا، شىندىق بۇرمالانعان پىكىرلەر ايتىلىپ جاتىر. سوندىقتان ءار جولى پىكىر بىلدىرگەنىمىز دۇرىس ەمەس شىعار", – دەدى رەسەي پرەزيدەنتىنىڭ ءباسپاسوز حاتشىسى دميتري پەسكوۆ.
ايتا كەتەيىك، 2024 جىلعى قاراشادا سولتۇستىك كورەيا مەن رەسەي جان-جاقتى ستراتەگيالىق سەرىكتەستىك تۋرالى كەلىسىمدى راتيفيكاتسيالاعان بولاتىن. ۆلاديمير ءپۋتيننىڭ پحەنيانعا ساپارى كەزىندە جاسالعان بۇل كەلىسىمنىڭ شارتتارىنا سايكەس، ەكى ەلدىڭ ءبىرى قانداي دا ءبىر مەملەكەتتىڭ قارۋلى شابۋىلىنا ۇشىراپ، سوعىس جاعدايىنا تۇسسە، ەكىنشىسى وعان بارلىق قولدا بار قۇرالدارىمەن اسكەري جانە وزگە دە كومەك كورسەتۋگە مىندەتتەلەدى.
