قۇلپىناي وندىرىسىنەن ساياسي جولعا تۇسكەن "رەيۆا اعاي"

3104
Adyrna.kz Telegram

الدىڭعى جىلى جاپونيانىڭ پرەمەر-ءمينيسترى سيندزو ابەنىڭ كۇتپەگەن جەردەن وتستاۆكاعا كەتكەن ەدى، كوپ ۇزاماي ونىڭ ادال قىزمەتكەرى، وڭ قولى يوسيحيدە سۋگا كەنەتتەن سايلاۋعا تۇسۋگە نيەتتى ەكەنىن مالىمدەدى. ول قازىردىڭ وزىندە جاپونياداعى باسقارۋشى پارتيانىڭ ىشىندەگى ءىرى فراكتسيالاردىڭ قولداۋىنا يە بولدى.

قۇلپىناي وندىرىسىنەن ساياسي وليمپكە دەيىن

سۋگا – ناعىز حالىقتىڭ ادامى. ول 1948 جىلى 6 جەلتوقساندا دۇنيەگە كەلگەن. ەكى ۇلكەن اپكەسى مەن ىنىسىمەن بىرگە جاپونيانىڭ سولتۇستىگىندە، اۋىلدا ءوستى. اتا-اناسى قۇلپىناي وسىرۋمەن اينالىسقان. وقۋدى اياقتاعاننان كەيىن سۋگا الدىمەن قاراپايىم كومپانياعا جۇمىسقا ورنالاستى. بىراق اقىر سوڭىندا ول ءوز ءومىرىن ساياساتپەن بايلانىستىرعىسى كەلەتىنىن ءتۇسىندى.

ول جاپونيانىڭ ليبەرال-دەموكراتيالىق پارتياسىنىڭ پارلامەنت حاتشىسى بولىپ جۇمىسقا ورنالاسادى.

1987 جىلى ول يوكوگاما قالالىق كەڭەسىنە سايلاندى. ساياساتقا جاڭا اياق باسقان ۇمىتكەر التى جۇپ اياق كيىمىن توزدىرىپ، قالا تۇرعىندارىنان وعان داۋىس بەرۋىن سۇرادى.

1996 جىلى سۋگا جاپون پارلامەنتىنىڭ تومەنگى پالاتاسىنىڭ مۇشەسى بولدى، ال توعىز جىلدان كەيىن – ۇكىمەتتەگى ىشكى ىستەر جانە كوممۋنيكاتسيا ءمينيسترى كويدزۋميدىڭ ورىنباسارى بوپ تاعايىندالدى.

كويدزۋميدىڭ باسشىلىعىمەن مينيسترلەر كابينەتىنىڭ باس حاتشىسى بولعان سيندزو ابە دە ساياسي وليمپكە جول تارتتى. سولتۇستىك كورەيامەن ءساتتى كەلىسسوزدەر ارقىلى ساياسي ۇپاي جينادى. كويدزۋميدىڭ كحدر-عا تاريحي ساپارى جانە ۇرلانعان جاپون ازاماتتارىنىڭ سۇيەكتەرىن ءوز وتانىنا قايتارۋى مانسابىن كوتەردى. ابە 2006 جىلى LDPJ-ءدى باسقاردى. ەل تاريحىنداعى ەڭ جاس پرەمەر-مينيسترلەردىڭ ءبىرى بولدى.

ابەنىڭ وڭ قولى

جاڭا قىزمەتىندە سۋگا ءىس جۇزىندە ابەنىڭ وڭ قولىنا اينالدى. كۇن سايىن تاڭەرتەڭ جانە جۇمىس كۇنى اياقتالار ۋاقىتتا ول بۇقارالىق اقپارات قۇرالدارىنا ارناپ بريفينگتەر وتكىزەدى، وندا ول ەلدىڭ ىشكى جانە سىرتقى ساياساتىنا قاتىستى سۇراقتارعا جاۋاپ بەرەدى. پرەمەر ءمينيستردىڭ وزىندىك وكىلى رەتىندە ارەكەت ەتەدى. بىراق ونىڭ فۋنكتسيونالدىعى مۇنىمەن شەكتەلمەيدى.

جاپوندىقتارعا سۋگا ءبىرىنشى كەزەكتە رەسمي مىندەتتەرىمەن، ابەگە ادالدىعىمەن ەمەس، ازىلدەرىمەن كوزگە ءتۇستى. 2019 جىلدىڭ ساۋىرىندە جاپونيانىڭ جاڭا يمپەراتورى نارۋحيتونىڭ ۇرانىن رەسمي تۇردە ۇسىنۋ قۇرمەتىنە يە بولدى. بۇل وقيعا داۋىرلىك سيپاتقا يە. ويتكەنى يمپەراتورلاردىڭ اۋىسۋى جاپونيادا جاڭا ءداۋىردىڭ باستالۋىن بىلدىرەدى.

جاڭا كەزەڭ «رەيۆا» دەپ اتالدى، «گارمونيا»، «ءتارتىپ» نەمەسە «گۇلدەيتىن الەم» سوزدەرىمەن الماستىرۋعا بولادى. وسى يمپەراتورلىق ۇران جازىلعان تاقتايشانى كوتەرىپ تۇرعان سۋگا قاراپايىم جاپونداردىڭ ساناسىندا ماڭگىگە ساقتالدى. جەلى قولدانۋشىلارىنىڭ كۇش-جىگەرىنىڭ ارقاسىندا، ءتىپتى «رەيۆا اعاي» دەگەن لاكاپ اتى پايدا بولدى.

جاپوندىق باق-تىڭ حابارلاۋىنشا، سۋگانىڭ قارسىلاستارى بۇرىنعى قورعانىس ءمينيسترى شيگەرۋ يشيبا مەن بۇرىنعى سىرتقى ىستەر ءمينيسترى فۋميو كيشيدا.

سۋگا لدپر-دەگى فراكتسيالاردىڭ ەشقايسىسىمەن بايلانىستى بولماعانىمەن، ولاردىڭ ىشىندەگى باسشىلاردىڭ قولداۋىنا يە بولادى.

وسىلايشا، فراكتسيالار ءوز كانديداتتارىن 2021 جىلعا دەيىن دايىنداۋعا ۋاقىت بەردى.

نوميناتسياعا ارنالعان ءباسپاسوز ءماسليحاتىندا، سۋگا پارتيا ىشىندەگى سايلاۋدا جەڭىسكە جەتسە، ابە كورسەتكەن باعىتتى جالعاستىراتىنىن ايتتى. ول يەنانى جاساندى تۇردە ارزانداتۋ ارقىلى توقىراۋ مەن دەفلياتسيانى جويۋعا باعىتتالعان ەكونوميكالىق ساياساتتى، سونداي-اق ەكونوميكالىق ءوسۋ مەن ەكونوميكانى قايتا قۇرۋدى ىنتالاندىرۋعا باعىتتالعان «ابەنوميكانى» جالعاستىرماق.

«ۇلتتىق داعدارىس كەزىندە ءبىز ساياسي ۆاكۋمعا جول بەرە المايمىز»،- دەدى سۋگا جۋرناليستەرگە.

«مەن ءوزىمنىڭ كانديداتۋرامدى قورعاۋعا شەشىم قابىلدادىم، ويتكەنى مەن ساياساتكەر رەتىندە جانە ابە اكىمشىلىگىنىڭ مۇشەسى رەتىندە نە ىستەي الاتىنىمدى ءبىلدىم، سوندىقتان ءبىزدىڭ ازاماتتارىمىز قورقىنىشسىز ءومىر سۇرەتىن كۇن تەزىرەك كەلەدى».

سونىمەن قاتار، جاپونيا ەكونوميكاسىنا اۋىر سوققى بەرگەن COVID-19 پاندەمياسىنا قارسى ءىس-قيمىلعا كوڭىل بولۋگە ۋادە بەردى.

«قازىر جۇمىس ورىندارىن ساقتاۋ جانە كومپانيالارعا نەسيەلەر ارقىلى بيزنەستى جالعاستىرۋعا كومەكتەسۋ وتە ماڭىزدى»، – دەدى ول تەلەديدارعا بەرگەن سۇحباتىندا.

جاپونيا – قارۋلى كۇشتەردى پايدالانۋ مەن دامىتۋعا كونستيتۋتسيالىق شەكتەۋلەر ەنگىزگەن الەمدەگى جالعىز دامىعان ەل.

سونداي-اق، رەسەيمەن قارىم-قاتىناس تۋرالى ايتا وتىرىپ، ول ابەنىڭ بەيبىتشىلىك شارتىن جاساسۋ باعىتىنان تايماۋعا ۋادە بەردى.

«پرەمەر-مينيستر ابەمەن بىرگە مەن دە اۋماقتىق پروبلەمانى شەشۋگە جانە رەسەيمەن بەيبىت كەلىسىمشارت جاساسۋعا كوپ كۇش سالدىم. مەن بۇل ءتاسىلدى وزگەرتپەيمىن»،- دەدى ول.

ءبىر جىل عانا ۋاقىت قالعان كەزدە وسىنداي اۋىر جاۋاپكەرشىلىكتى العىسى كەلەتىنى وعاش بولىپ كورىنۋى مۇمكىن. الايدا مۇنى قاراپايىم تۇردە تۇسىندىرۋگە بولادى: سۋگا سوڭعى سەگىز جىلىن ۇكىمەتتە جۇمىس ىستەۋگە ارنادى.

بيىلعى جىل ەل تاريحىنداعى ەڭ اۋىر جىل ەكەنى دە بەلگىلى. سۋگانىڭ مەرزىمى ءبىر جىلمەن عانا شەكتەلەتىن شىعار، بىراق «رەيۆا اعاي» رەتىندە ەل ەسىندە ەرەن ەڭبەگىمەن قالارى ءسوزسىز.

ءىنجۋ ومىرزاق

 

پىكىرلەر