بيىل قازاقستان مەن وزبەكستان اراسىنا ديپلوماتيالىق بايلانىس ورناعانىنا 25 جىل. ايتۋلى مەرەكەلىك داتا تاشكەنتتە كەڭ كولەمدە تويلانىپ، قۇرمانعازى اتىنداعى قازاق مەملەكەتتىك اكادەميالىق ۇلتتىق اسپاپتار وركەسترى ونەر كورسەتتى. كونتسەرتتە قازاق ونەرپازدارى ءوز ونەرلەرىن ورتاعا سالىپ، قازاقتىڭ كۇيلەرىمەن قوسا الەم كلاسسيكتەرىنىڭ شىعارمالارىن ورىندادى. سونىمەن قاتار، كونتسەرتتىك جيىنعا قازاق ەستراداسىنىڭ كورنەكتى وكىلى نۇرلان ابدۋللين، وپەرا ءانشىسى سۇندەت بايعوجين، وزبەكستاننىڭ ەڭبەك سىڭىرگەن ءارتيسى جەڭىسبەك پيازوۆ قاتىستى.
جەڭىسبەك پيازوۆ،وزبەكستان جانە قاراقالپاقستاننىڭ ەڭبەك سىڭىرگەن ءارتىسى: - قۇرمانعازى بۇرىننان كەلە جاتقان وركەستر. بۇلاردىڭ رەپەرتۋارىندا بۇتكۇل دۇنيەنىڭ ەلدىڭ مۋزىكالارى بار. سوندىقتان وسى وركەسترمەن ايتقانىما قۋانىشتىمىن. ەكى ەلدىڭ دوستىعى ماڭگى بولسىن. سۇندەت بايعوجين، «استانا وپەرا» تەاترىنىڭ جەتەكشى ءسوليسى، قازاقستاننىڭ ەڭبەك سىڭىرگەن ءارتىسى: - قۇرمانعازى وركەسترى ءوز ونەرىن پاش ەتىپ جاتىر.تەك قانا بۇل جەردە ءوزىمىزدىڭ عانا اندەر ەمەس وسى وزبەكستاننىڭ اندەرى قازاق اندەرى ايتىلىپ جاتىر.ەكى ەل اراسىنداعى قارىم قاتىناس ەشقاشان ۇزىلمەسىن.
قوسىمشا اقپارات الۋ ءۇشىن:
http://kazakh-tv.kz/kz/view/culture/page_189195_
