بىرنەشە ەلدە تىيىم سالىنعان «تاليبان» راديكالدى ۇيىمى اۋعانستاننىڭ كۋندۋز پروۆينتسياسىنداعى شەرحون-باندار شەكارا كوميسسارياتىنا شابۋىل جاسادى، دەپ حابارلايدى «ادىرنا» ءتىلشىسى.
"تاجىك شەكاراشىلارى گۋمانيزم مەن تاتۋ كورشىلىك قاعيدالارىن باسشىلىققا الا وتىرىپ، مەملەكەتتىك شەكارادان وتكەن اۋعان اسكەري كۇشتەرىنە تاجىكستان اۋماعىنا كەدەرگىسىز كىرۋگە رۇقسات بەردى. يرا اسكەري قىزمەتشىلەرىنىڭ اراسىندا ءتورت ادام جارالاندى جانە بىرەۋى قازا تاپتى", - دەلىنگەن حابارلامادا.
ءباسپاسوز ورتالىعىنىڭ مالىمەتىنشە، اۋعانستانمەن شەكارا سىزىعىنداعى جاعداي شيەلەنىستى دەپ باعالانادى.
"شەرحون باندار اۋماعىندا جارالانعان، قازا تاپقان جانە تۇتقىنعا الىنعان اۋعان اسكەرلەرىنىڭ جالپى سانى ءجۇز ادامعا جەتەدى. راستالعان اقپاراتقا سايكەس، سوڭعى ون كۇندە تاجىكستانمەن شەكتەسەتىن يرا-نىڭ ءتورت پروۆينتسياسىندا ۇكىمەت كۇشتەرى مەن "تاليبان"قوزعالىسى اراسىندا قاقتىعىستار بولىپ جاتىر. ناتيجەسىندە چاحەب، يانگي كالا، داركاد، داشتي كالا ۋەزدەرى، تاحور پروۆينتسياسىنىڭ حودجاگور ۋەزدەرى، سونداي-اق "شەرحون - باندار" جانە "كوكۋل" ءبوپ تاليبتەردىڭ باقىلاۋىنا ءوتتى",— دەپ جازدى تاجىكستان ۇقك شەكارا اسكەرلەرىنىڭ ءباسپاسوز ورتالىعى.
«ادىرنا» ۇلتتىق پورتالى
