قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن ۇيىمداستىرىلعان «سالەم، ەلوردا!» ءىى رەسپۋبليكالىق ونەر فەستيۆالى باستالدى.
اتالمىش شارا 22-24 ماۋسىم ارالىعىندا الماتى وبلىسى مەن الماتى قالاسىنىڭ اۋماعىندا وتكىزۋ جوسپارلانعان. فەستيۆالدىڭ سالتاناتتى اشىلۋى الماتىداعى جامبىل اتىنداعى قازاق مەملەكەتتىك فيلارمونياسىندا باستاۋ الىپ، جامبىل اۋدانىندا جالعاستى. ەلىمىزدىڭ ءار وڭىرىنەن جينالعان فيلارمونيا باسشىلارى جامبىل جاباەۆتىڭ ادەبي-مەموريالدىق مۋزەيىنە كەلىپ، جامبىل مەن ن.تىلەنديەۆتىڭ رۋحىنا قۇران باعىشتادى. جامبىل جاباەۆتىڭ مۋراجايىن زيارات ەتتى. اۋدان اكىمى نۇرلان ەرتاس الىستان كەلگەن قوناقتاردى قارسى الىپ، مادەنيەت ۇيىندە ورنالاسقان ۇلتتىق سالت-ءداستۇر، قولونەر بۇيىمدارى، فوتوسۋرەتتەر كورمەسىن بىرگە تاماشالادى. مادەنيەت ءۇيىنىڭ ءماجىلىس زالىندا ءوڭىردىڭ ونەرىمەن مادەني دامۋىنا ارنالعان ءباسپاسوز ءماسليحاتى ءوتتى. ءباسپاسوز ءماسليحاتىن الماتى وبلىستىق مادەنيەت،ارحيۆتەر جانە قۇجاتتاما باسقارماسى باسشىسىنىڭ ورىنباسارى ءاليا الىمجانقىزى جۇرگىزدى. شارا سوڭىنداعى دۋماندى كونتسەرتتە اۋدان اكىمى نۇرلان ەرتاسۇلى ءسوز سويلەپ، بارشا كەلگەن قوناقتاردى مادەني شارانىڭ اشىلۋىمەن قۇتتىقتادى.
