قازاقستان رەسپۋبليكاسىنىڭ ىشكى نارىعىندا تاۋارلىق گازدى كوتەرمە ساۋدادا وتكىزۋدىڭ جاڭا شەكتى باعالارى بەكىتىلدى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى جازدى.
«قازاقستان رەسپۋبليكاسىنىڭ ىشكى نارىعىندا تاۋارلىق گازدى كوتەرمە ساۋدادا وتكىزۋدىڭ 2021 جىلعى 1 شىلدەدەن باستاپ 2022 جىلعى 30 ماۋسىمدى قوسا العان كەزەڭگە ارنالعان شەكتى باعالارى بەكىتىلدى. وسى بۇيرىققا سايكەس تاۋارلىق گازدى كوتەرمە ساۋدادا وتكىزۋدىڭ شەكتى باعالارى وڭىرگە بايلانىستى ورتا ەسەپپەن 11 پايىزعا ءوستى»،— دەلىنگەن حابارلامادا.
ايتا كەتەيىك، قر زاڭناماسىنا سايكەس تاۋارلىق گازدىڭ كوتەرمە ساۋدا باعاسىن مەملەكەتتىك رەتتەۋدى ەنەرگەتيكا مينيسترلىگى، ال بولشەك ساۋدا باعاسىن مەملەكەتتىك رەتتەۋدى ۇلتتىق ەكونوميكا مينيسترلىگى جۇزەگە اسىرادى.
«ادىرنا» ۇلتتىق پورتالى
