Qazaqstan Respýblıkasynyń ishki naryǵynda taýarlyq gazdy kóterme saýdada ótkizýdiń jańa shekti baǵalary bekitildi. Bul týraly Energetıka mınıstrliginiń baspasóz qyzmeti jazdy.
«Qazaqstan Respýblıkasynyń ishki naryǵynda taýarlyq gazdy kóterme saýdada ótkizýdiń 2021 jylǵy 1 shildeden bastap 2022 jylǵy 30 maýsymdy qosa alǵan kezeńge arnalǵan shekti baǵalary bekitildi. Osy buıryqqa sáıkes taýarlyq gazdy kóterme saýdada ótkizýdiń shekti baǵalary óńirge baılanysty orta eseppen 11 paıyzǵa ósti»,— delingen habarlamada.
Aıta keteıik, QR zańnamasyna sáıkes taýarlyq gazdyń kóterme saýda baǵasyn memlekettik retteýdi Energetıka mınıstrligi, al bólshek saýda baǵasyn memlekettik retteýdi Ulttyq ekonomıka mınıstrligi júzege asyrady.
«Adyrna» ulttyq portaly
