اقش پەن ەۋرووداق سانكتسيالارى بەلارۋس ەكونوميكاسىنىڭ ەڭ ماڭىزدى ەكونوميكالىق سەكتورلارىنا سوققى بولىپ ءتيىپ جاتىر. بەلارۋسسيانىڭ مۇناي جانە گاز، تەلەكوممۋنيكاتسيا جانە كالي ءوندىرىسى مەن بانك سەكتورلارىنا سانكتسيالار جاريالادى. سونىمەن قاتار سانكتسيادا مينسكىگە نەسيە بەرۋگە دە تىيىم سالۋدى ءبىر اۋىزدار كەلىستى.
سانكتسيالار مەملەكەتتىك قۇندى قاعازدار مەن اكتيۆتەر ساۋداسىنا دا، ينۆەستيتسيالىق قىزمەتتەرگە دە سالىندى. بەلورۋسسياعا قارسى سانكتسيالار پاكەتىن دايىنداۋ 21 ماۋسىمدا ەو ءسىم كەڭەسىنىڭ وتىرىسىندا تالقىلانىپ جاتىر.
جاڭا سانكتسيالار بەلورۋستىڭ قوعام بەلسەندىسى پروتاسەۆيچتىڭ ۇشاقتا قىسىم جاسالىپ، قولعا تۇسىرىلۋىمەن تىكەلەي بايلانىستى بولىپ وتىر. بۇل جاعداي بەلورۋس وكىمەتىنىڭ جۇرگىزىپ وتىرعان جابايى ساياساتىنىڭ جەمىسى بولماق.
مينسكىگە قارسى جاريالانىپ وتىرعان سانكتسيالار باتىستىڭ بەلارۋسسيا بيلىگىمەن قارىم-قاتىناسىنىڭ قانداي دەڭگەيدە ەكەنىن كورسەتۋدە. بەلورۋسسياعا قارسى سانكتسيالار ەلدەگى پرەزيدەنت سايلاۋى ادىلەتسىز وتكەن كەزدەن باستاپ باتىس تاراپىنان قولعا الىندى. الداعى ۋاقىتتا دا بەلورۋسيا رەسەي سياقتى سانكتسيانىڭ استىندا ءومىر سۇرەدى دەپ جورامالداپ وتىر ساراپشىلار.
Ryanair ۇشاعىنداعى جاعداي كۇتىلگەن ۋاقىتتان دا تەز ىسكە استى. وقيعادان كەيىن ەو بيلىگى بەلارۋسسيانىڭ ۇلتتىق كومپانيالارىنا ءوز تەرريتورياسىنىڭ ۇستىنەن ۇشۋعا نەمەسە اۋەجايلارىنا قونۋعا تىيىم سالدى. سونىمەن قاتار ءوز كومپانيالارىنا بەلارۋسسيانىڭ اۋە كەڭىستىگىن پايدالانباۋعا تاپسىرما بەردى.
سانكتسيالار بەلورۋسسيا ۇشاقتارىنىڭ رەسەيگە عانا ۇشاتىن رەيستەرىنە مۇمكىندىك بەرىپ، ءىرى مونوپوليستتىك كومپانيالاردىڭ قاراجاتىنا اۋىر سوققى بەرىپ وتىر. قازىر مينسك-كيەۆ-ماسكەۋ باعىتتارىنداعى رەيستەر توقتاپ قالعان. ال بەلورۋسسيا ءۇشىن شىعىس ەۋروپا اۋە جولدارى جابىلدى.
شىعىندار تەك بەلارۋسسيا اۋەجايلارىنا عانا ەمەس، اۆياكومپانيالارىنا دا، سونىمەن بىرگە جۇك تاسىمالىنا دا كەسىرىن تيگىزدى. بەلارۋسكە قىتاي مەن ەو، تاياۋ شىعىس پەن اقش اراسىنداعى نەگىزگى ترانزيتتىك باعىتتارعا شەكتەۋلەر قويىلدى. "بەلاەروناۆيگاتسيا" تەك شەتەلدىك اۆياكومپانيالارعا ديسپەتچەرلىك قىزمەت كورسەتۋ بويىنشا جىل سايىن 50-70 ميلليون دوللارعا دەيىن تابىس تاپتى. الايدا، بۇل قاراجاتتار قازىر جوق.
ەو-نىڭ جوعارعى كەڭەسى ءدال بۇگىن بەلارۋسسيانىڭ ءىرى مەملەكەتتىك كومپانيالارىنا شەكتەۋلەر ەنگىزۋدى، اكتيۆتەردى توقتاتۋدى جانە كەيبىر جەكە جانە زاڭدى تۇلعالارعا ەو ەلدەرىنە بارۋعا تىيىم سالۋدى جوسپارلاپ وتىر. مۇنىڭ ءبارى قازىردىڭ وزىندە ىسكە استى. سانكتسيالار مۇناي مەن گاز جانە بانك سەكتورلارىنا سوققى بەرگەنى ەل وكىمەتى ءۇشىن كۇتپەگەن جاعداي تۋىنداتتى. سانكتسيالار زاردابىنا بايلانىستى قازىر لۋكاشەنكونىڭ باسى قاتىپ وتىر.
ال، ءنا ولدۋ ەندى، ءنا ولدۋ لۋكاش؟!
بەكبولات قارجان،
"ادىرنا" ۇلتتىق پورتالى
