اتىراۋدا Mergen Fighting Championship - MFC 1 تۋرنيرىندە قۋات حاميتوۆ ۋكراينالىق قارسىلاسىن جەڭدى دەپ حابارلايدى "ادىرنا" ۇلتتىق پورتالى Vesti.kz پورتالىنا سىلتەمە جاساپ.
قۋات حاميتوۆ ۋكراينالىق رومان گولوۆينوۆپەن جەكپە-جەككە شىقتى. جالپى ولاردىڭ جۇدىرىقتاسۋى ءۇش راۋندقا سوزىلادى دەپ جوسپارلانىپتى. الايدا حاميتوۆ ءوز قارسىلاسىن قىلعىندىرۋ ارقىلى جەڭگەن.
ايتا كەتسەك بۇل — "نايماننىڭ" (قۋات حاميتوۆ) MMA-داعى 21-ءشى جەڭىسى. بۇعان قوسا ول جەتى رەت قارسىلاسىنان جەڭىلىپ، ءبىر رەت تەڭ تۇسكەن.
ەندى ول الماتىدا رەسەيلىك ماريف پيراەۆپەن جەكپە-جەككە شىعادى.
"ادىرنا" ۇلتتىق پورتالى.
