اتىراۋ وبلىسىندا وتكەن باسەكە تەحنيكالىق جانە كاسىپتىك ءبىلىم بەرۋ ۇيىمدارى ستۋدەنتتەرى اراسىندا بولدى.
جىل سايىن وتەتىن جارىس ءتورت كۇنگە سوزىلدى. 33 قۇزىرەتتىلىك بويىنشا سىنعا تۇسكەن ستۋدەنتتەر كاسىبي بىلىكتىلىگىن كورسەتۋگە تىرىستى.
بيىل چەمپيوناتتىڭ ايرىقشا جاڭاشىل باستاماسى سانالعان جاڭالىقتىڭ ءبىرى مۇمكىندىگى شەكتەۋلى جاس ورەندەر دە چەمپيونات اياسىندا وتكىزىلگەن “ابيليمپيكس” وليمپياداسىنا قاتىستى. بۇل وليمپيادا ەستۋ قابىلەتى ناشار ستۋدەنتتەرگە ارنالدى. مۇنى جارىس قاتىسۋشىلارى مەن قوناقتارى دا باتىل قادام ەكەندىگىن ەرەكشە اتاپ ءوتتى. بۇل جولى سايىسقا اتىراۋ سەرۆيس كوللەدجى ستۋدەنتتەرى قاتىسىپ، ولارىڭ جۇمىستارىن ساراپشىلار جوعارى باعالادى. جابىلۋ راسىمىنە اتىراۋ وبلىسى اكىمىنىڭ ورىنباسارى باقىتگۇل حامەنوۆا قاتىسىپ، بولاشاق كاسىپ يەلەرىنە اقجارما تىلەگىن ارنادى.
جارىستىڭ وتكىزىلۋىنە قالاداعى كوللەدجدەر دە اتسالىسىپ، بىرلىكتەرىن تانىتتى.
وبلىستىق ءبىلىم باسقارماسىنىڭ باسشىسى ساتقان ەسەنعاليەۆ وبلىستاعى جوعارى وقۋ ورىندارى مەن ۇيىمداردىڭ اتىنا العىس حاتتار ۇسىنىپ، ريزاشىلىعىن ءبىلدىردى. سايىس جەڭىمپازدارىنا جەكە ۇيىمدار مەن مەكەمەلەر سىيلىقتارىن ۇسىنىپ، تولاعاي تابىستار تىلەدى.
