Atyraýda “WorldskillsAtyrau-2021” óńirlik chempıonaty máresine jetti

1195
Adyrna.kz Telegram

Atyraý oblysynda ótken báseke tehnıkalyq jáne kásiptik bilim berý uıymdary stýdentteri arasynda boldy. 

Jyl saıyn ótetin jarys tórt kúnge sozyldy. 33 quzyrettilik boıynsha synǵa túsken stýdentter kásibı biliktiligin kórsetýge tyrysty.

Bıyl chempıonattyń aıryqsha jańashyl bastamasy sanalǵan jańalyqtyń biri múmkindigi shekteýli jas órender de chempıonat aıasynda ótkizilgen “Abılımpıks” olımpıadasyna qatysty. Bul olımpıada estý qabileti nashar stýdentterge arnaldy. Muny jarys qatysýshylary men qonaqtary da batyl qadam ekendigin erekshe atap ótti. Bul joly saıysqa Atyraý servıs kolledji stýdentteri qatysyp, olaryń jumystaryn sarapshylar joǵary baǵalady. Jabylý rásimine Atyraý oblysy ákiminiń orynbasary Baqytgúl Hamenova qatysyp, bolashaq kásip ıelerine aqjarma tilegin arnady.

Jarystyń ótkizilýine qaladaǵy kolledjder de atsalysyp, birlikterin tanytty.

Oblystyq bilim basqarmasynyń basshysy Satqan Esenǵalıev oblystaǵy joǵary oqý oryndary men uıymdardyń atyna alǵys hattar usynyp, rızashylyǵyn bildirdi. Saıys jeńimpazdaryna jeke uıymdar men mekemeler syılyqtaryn usynyp, tolaǵaı tabystar tiledi.

Pikirler