قر تاۋەلسىزدىگىنىڭ 30 جىلدىعى اياسىندا وڭىردە VI "Worldskills Atyrau-2021" چەمپيوناتىنىڭ اشىلۋى ءوتتى.
ءىس-شارانىڭ باستى ماقساتى – جۇمىسشى مارتەبەسىن ارتتىرۋ، كاسىپتىك-تەحنيكالىق ءبىلىم بەرۋ سالاسىنا ەرەكشە كوڭىل ءبولىپ، جاستاردى اتالعان سالاعا تارتۋ. شاراعا وبلىس اكىمىنىڭ ورىنباسارى باقىتگۇل حامەنوۆا، “اتامەكەن” كاسىپكەرلىك پالاتاسى وكىلدەرى جانە جۇمىس بەرۋشى الەۋمەتتىك سەرىكتەستەر قاتىستى.
24-28 مامىر ارالىعىندا وتەتىن چەمپيوناتقا وبلىستىڭ 19 كوللەدجىندە ءبىلىم الاتىن 170-كە جۋىق ستۋدەنت قاتىسقالى وتىر. بيىلعى چەمپيوناتتىڭ ءبىر ەرەكشەلىگى قۇزىرەتتىلىك اياسىنىڭ كەڭەيۋى. وسى جولى قاتىسۋشىلار 33 قۇزىرەتتىلىك بويىنشا باق سىنايدى. ستۋدەنتتەر اراسىندا ۇزدىكتەر مەن مىقتىلاردى رەسپۋبليكالىق جارىسقا الىپ بارامىز. رەسپۋبليكالىق دودادا كەم دەگەندە 3 التىن الۋدى جوسپارلاپ وتىرمىز، – دەدى وبلىستىق ءبىلىم بەرۋ باسقارماسى باسشىسىنىڭ ورىنباسارى ەربول حامزين.
