اتىراۋ وبلىسىنىڭ اكىمى تۇرعىنداردى قابىلدادى

1115
Adyrna.kz Telegram

اتىراۋ وبلىسىنىڭ اكىمى ماحامبەت دوسمۇحامبەتوۆ ءوڭىر تۇرعىندارىن جەكە ماسەلەلەرى بويىنشا قابىلدادى.

قابىلدانۋشىلاردان تۇسكەن وتىنىشتەر بويىنشا نەگىزىنەن تۇرعىن ۇيمەن قامتۋ، جۇمىسقا ورنالاستىرۋ، جول قۇرىلىسى، قوعامدىق ۇيىمعا ورىنجاي ءبولۋ سياقتى ماسەلەلەر قوزعالدى.

تۇرعىنداردىڭ ءبىرى، مۇگەدەكتەر قوعامدىق قورىنىڭ توراعاسى ر. ت. كەڭسەسىن عيماراتپەن قامتاماسىز ەتۋدى، سونداي-اق سالىنىپ جاتقان جەر ءۇيىنىڭ قۇرىلىسىن تولىق اياقتاۋعا كومەك بەرۋدى سۇرادى.

سونداي-اق، قالا تۇرعىنى ا. ج. تالعايران ىقشام اۋدانى تۇرعىندارىنىڭ اتىنان مەملەكەتتiك باعدارلاما ارقىلى سالىنعان ۇيلەردiڭ اۋلاىشىلىك تاس جولىنىڭ سالىنۋىنا، ينتەرنەت جەلىسىن جۇرگىزۋگە ىقپال ەتۋدى ءوتىندى.

كوتەرىلگەن ماسەلەلەر بويىنشا تيىسىنشە جاۋاپ بەردى. ياعني، مۇگەدەكتەر قوعامىنا گەولوگ مولتەك اۋدانىنان كەڭسە قاراستىرۋعا مۇمكىندىك بار ەكەندىگىن، ال تالعايراندىقتار ءۇشىن ينفراقۇرىلىم بيىلعى جىل اياعىنا دەيىن شەشىلەتىنى ايتىلدى. سونىمەن قاتار، وبلىس اكىمى باسقا دا از قامتىلعان وتباسى، مۇمكىندىگى شەكتەۋلى ازاماتتار مەن بيزنەس وكىلدەرىن قابىلدادى.قوعامدىق قابىلداۋ سوڭىندا ءوڭىر باسشىسى ماحامبەت دوسمۇحامبەتوۆ ءتيىستى سالا باسشىلارىنا ازاماتتاردان تۇسكەن ساۋالداردى مۇمكىندىگىنشە شۇعىل، ءارى زاڭ شەڭبەرىندە شەشىپ وتىرۋعا جانە قاتاڭ باقىلاۋعا الۋدى تاپسىردى.

پىكىرلەر