Atyraý oblysynyń ákimi Mahambet Dosmuhambetov óńir turǵyndaryn jeke máseleleri boıynsha qabyldady.
Qabyldanýshylardan túsken ótinishter boıynsha negizinen turǵyn úımen qamtý, jumysqa ornalastyrý, jol qurylysy, qoǵamdyq uıymǵa orynjaı bólý sııaqty máseleler qozǵaldy.
Turǵyndardyń biri, múgedekter qoǵamdyq qorynyń tóraǵasy R. T. keńsesin ǵımaratpen qamtamasyz etýdi, sondaı-aq salynyp jatqan jer úıiniń qurylysyn tolyq aıaqtaýǵa kómek berýdi surady.
Sondaı-aq, qala turǵyny A. J. Talǵaıran yqsham aýdany turǵyndarynyń atynan memlekettik baǵdarlama arqyly salynǵan úılerdiń aýlaishilik tas jolynyń salynýyna, ınternet jelisin júrgizýge yqpal etýdi ótindi.
Kóterilgen máseleler boıynsha tıisinshe jaýap berdi. Iaǵnı, múgedekter qoǵamyna Geolog móltek aýdanynan keńse qarastyrýǵa múmkindik bar ekendigin, al talǵaırandyqtar úshin ınfraqurylym bıylǵy jyl aıaǵyna deıin sheshiletini aıtyldy. Sonymen qatar, oblys ákimi basqa da az qamtylǵan otbasy, múmkindigi shekteýli azamattar men bıznes ókilderin qabyldady.Qoǵamdyq qabyldaý sońynda óńir basshysy Mahambet Dosmuhambetov tıisti sala basshylaryna azamattardan túsken saýaldardy múmkindiginshe shuǵyl, ári zań sheńberinde sheship otyrýǵa jáne qatań baqylaýǵa alýdy tapsyrdy.
