«مەديتسينا قىزمەتكەرى كۇنى» مەرەكەسى قارساڭىندا جانە تاۋەلسىزدىگىمىزدىڭ 30 جىلدىعىنا وراي «الماتى وبلىستىق بالالار كلينيكالىق اۋرۋحاناسى» تۋرالى اۋداندىق ءماسليحاتىنىڭ دەپۋتاتى، ىلە اۋدانى اكىمى جانىنداعى مەملەكەتتىك قىزمەتتەردىڭ ساپاسىن باقىلاۋ جونىندەگى مونيتورينگتىك توبىنىڭ مۇشەسى، كەڭسە مەڭگەرۋشىسى، دەنساۋلىق بپۇ ءتورايىمى اقجولتاەۆا گۇلميرا ەسقاليقىزى وي-پىكىرىمەن ءبولىستى.
— گۇلميرا ەسقاليقىزى، «الماتى وبلىستىق بالالار كلينيكالىق اۋرۋحاناسى» قاي جىلى اشىلدى؟
— ءبىز جاس، بىراق بولاشاعى زور ۇيىمداردىڭ ءبىرىمىز. «الماتى وبلىستىق بالالار كلينيكالىق اۋرۋحاناسى» 2011 جىلدىڭ قاراشا ايىندا پايدالانۋعا بەرىلگەن «100 مەكتەپ، 100 اۋرۋحانا» مەملەكەتتىك باعدارلاماسى اياسىندا تيپتىك جوباعا سايكەس سالىنعان. 2011 جىلدىڭ 25 قاراشاسىندا كۇندىزگى ستاتسيونارلىق توسەكتەرى بار كونسۋلتاتيۆتى-دياگنوستيكالىق ەمحانا اياسىندا اۋرۋحانانىڭ سالتاناتتى اشىلۋى ءوتتى. «الماتى وبلىستىق بالالار اۋرۋحاناسى» گككپ — بۇل الماتى وبلىسىنىڭ بالالارىنا مامانداندىرىلعان مەديتسينالىق كومەك كورسەتىلەتىن زاماناۋي دياگنوستيكالىق جانە مەديتسينالىق جابدىقتارمەن جابدىقتالعان، الماتى وبلىسىنىڭ كونسۋلتاتيۆتىك-دياگنوستيكالىق ەمحاناسى بار بالالار كوپسالالى اۋرۋحاناسىنا اينالدى. اۋرۋحانا وبلىس اكىمىنىڭ شەشىمىمەن وتەگەن باتىر اۋىلىندا سالىندى.
— ايماقتىق بالالار اۋرۋحاناسىنىڭ كادرلىق جاعدايى قالاي؟
— اۋرۋحانا — س. د. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى، قازاقستان — رەسەي مەديتسينالىق ۋنيۆەرسيتەتى، الماتى مەملەكەتتىك دارىگەرلەردىڭ بىلىكتىلىگىن ارتتىرۋ ينستيتۋتى كافەدرالارىنىڭ كلينيكالىق بازاسىمەن تىعىز جۇمىس ىستەيدى. ءبىزدىڭ دارىگەرلەر ۇنەمى شەتەلدە بىلىكتىلىكتى ارتتىرۋ كۋرستارىنان وتۋدە. جىل سايىن قاتارىمىزعا جاس ماماندار قوسىلىپ وتىرادى.
— بىلىكتى ماماندارىڭىز قانداي بولىمدەردە جۇمىس اتقارادى؟
— 2012 جىلدىڭ قاڭتارىنان باستاپ قابىلداۋ بولىمشەسى مەن حيرۋرگيالىق، تراۆماتولوگيا، جاقبەت، سوماتيكالىق، نەۆرولوگيالىق، گەماتولوگيالىق، ونكولوگيالىق بولىمدەردى، سونىمەن قاتار، جانساقتاۋ ءبولىمىن قامتيتىن 7 مامانداندىرىلعان كلينيكالىق بولىمنەن تۇراتىن، 200 توسەك-ورىندىق كوپسالالى ستاتسيونار اشىلدى. وندا شالا تۋىلۋ جانە نەوناتالدى پاتولوگيا ءبولىمى، كۇندىزگى ستاتسيونار، فيزيوتەراپيا ءبولىمى، سونىمەن قاتار پاراكلينيكالىق بولىمدەردە قالتىقسىز قىزمەت ەتەدى. بىراق سوعان قاراماستان ماماندار تاپشىلىعى ءالى دە بولسا دا كۇن تارتىبىنەن تۇسكەن ەمەس.
— جالپى بالالار ايماقتىق اۋرۋحاناسىندا ناۋقاس بالالاردى ەمدەۋ شارالارى قالاي وتەدى؟
— ءبىزدىڭ كلينيكادا بالالار دياگنوستيكالىق تەكسەرۋدەن ءوتىپ، مامانداردان كەڭەستەر، تاۋلىك بويعى جانە كۇندىزگى ستاتسيونار تۇرىندە ستاتسيونارلىق كومەك الا الادى. ءبىزدىڭ دارىگەرلەردىڭ مىندەتى — اسقىنۋ قاۋپىنىڭ الدىن الۋ جانە قالپىنا كەلتىرۋ كەزەڭىن مۇمكىندىگىنشە جاقىنداتۋ. اۋرۋحانا — ءومىر ءسۇرۋىنىڭ سالىستىرمالى تۇردە قىسقا مەرزىمىندە بىرنەشە رەت ترانسفورماتسيادان وتىلگەن. مىسالى: شارۋاشىلىق جۇرگىزۋ قۇقىعى نەگىزىندە مەملەكەتتىك كاسىپورىن مارتەبەسىن الدىق; رەسپۋبليكالىق كونكۋرستا «ۇزدىك ايماقتىق بالالار مەديتسينالىق ۇيىمى» نوميناتسياسى بويىنشا جەڭىمپاز اتاندىق.
ءبىز مەديتسينا سالاسىنداعى قىزمەتتىڭ پەرسپەكتيۆالىق باعىتتارىن يگەرۋگە، الماتى وبلىسىنىڭ بالالارىنا مەديتسينالىق قىزمەت كورسەتۋ ساپاسىن ۇنەمى جاقسارتۋ جانە جاقسارتۋ تۇرعىسىنان ءوز مۇمكىندىكتەرىمىزدى كەڭەيتۋگە باعىتتالعانبىز.
— ءسىز جاقىندا «Nur Otan» پارتياسى اۋداندىق فيليالى اتىنان اۋداندىق ءماسليحاتىنا دەپۋتات بولىپ سايلاندىڭىز. ەل قالاۋلىسى رەتىندە قانداي جاڭالىقتارىڭىز بار؟
— مەن ءماسليحات دەپۋتاتتىعىمەن قاتار مەملەكەتتىك قىزمەتتەردى تەكسەرۋ بويىنشا مانيتورينگتىك توپتىڭ مۇشەسىمىن. اۋدان كولەمىندە مەملەكەت تاراپىنان قاراپايىم حالىققا كورسەتىلەتىن قىزمەتتەردى باقىلايمىز. كوپتەگەن ولقىلىقتارىمىز بار. حالىققا قىزمەت كورسەتۋ قىزمەتى بويىنشا كەيبىر وكرۋگتەرىمىز سالعىرت قارايدى. كوپ مەملەكەتتىك عيماراتتارعا مۇمكىندىگى شەكتەۋلى ازاماتتاردىڭ ءجاي كىرىپ-شىعۋىنىڭ ءوزى قيىندىق تۋدىرادى. بىرىندە پاندۋسى جوق بولسا، ەكىنشىسىندە زاعيپ جاندارعا ارنالعان قاراپايىم برايل شريفپەن جازىلعان تاقتالارى جوق بولىپ شىعادى. جالپى دامۋدى كوزدەگەن ەل بولعاندىقتان مەنىڭ ويىمشا وسىنداي كىشكەنتاي ماسەلەلەردى ءجىتى قاداعالاۋىمىز قاجەت. ەكىنشىدەن، ءبىزدىڭ اۋرۋحانا پاندەميا كەزىندە الەۋمەتتىك جاعدايى تومەن وتباسىلاردىڭ بالالارىنا ۇلكەن كومەك كورسەتتى. ونىڭ بارلىعىن جىپكە تىزگەندەي ايتۋدىڭ دا ەشقانداي قاجەتى جوق شىعار. وتكەندەگى شارىن شاتقالىندا بولعان سۋ تاسقىنىندا زارداپ شەككەن جاس جەتكىنشەكتەرگە دە پسيحولوگيالىق جانە مەديتسينالىق كومەك قولىن ءبىرىنشى بولىپ ءبىزدىڭ الماتى وبلىسى ايماقتىق اۋرۋحاناسىنىڭ ۇجىمى بولدى. اۋرۋحانا ىشىندە ناۋقاس بالالاردىڭ كوڭىلىن اۋلاۋ ءۇشىن ءتۇرلى كوڭىلدى ءىس-شارالاردى ءجيى وتكىزەمىز.
— گۇلميرا ەسقاليقىزى، ارىپتەستەرىڭىزگە قانداي تىلەك ايتاسىز؟
— بالا — اتا-انا ءۇشىن ەڭ قىمبات قازىنا. ءبىز بۇل قازىنانى ءومىر بويى قورعاۋعا دايىنبىز. بالانىڭ كۇلىمسىرەۋىنەن ادەمى ەشتەڭە جوق. دەنى ساۋ بالالار — ساۋ بولاشاق! ءبىز ولارعا شىن جۇرەكتەن كومەك قولىن سوزۋعا دايىنبىز! وتكەن جىل ءبارىمىز ءۇشىن قيىن بولدى، بىراق دارىگەرلەرىمىزدىڭ ارقاسىندا ءبىز بۇل قيىن جولدى قايتپاس جىگەر، قايرالعان تاجىربيەمىزبەن جانە قۇلشىنىسپەن وتتىك! مەن بارلىق ارىپتەستەرىمدى الدىمەن تاۋەلسىزدىگىمىزدىڭ 30 جىلدىق مەرەكەسىمەن جانە كەلە جاتقان ءتول مەرەكەلەرىمەن قۇتتىقتاعىم كەلەدى! ءاربىرىمىزدىڭ ۇيىمىزدە ءاردايىم تىنىشتىق پەن جايلىلىق بولسىن. سىزدەرگە مىقتى دەنساۋلىق پەن قاجىرلى ەڭبەكتەرىڭىزگە شىدامدىلىق تىلەيمىن! ءسوز سوڭىندا ايتارىم، بالالارىڭىزدىڭ دەنساۋلىعىنا تەك ەڭ جاقسى ماماندارعا سەنىڭىز، مۇندا ءسىز بالاڭىزدىڭ دەنساۋلىعى ءۇشىن قاجەت نارسەنىڭ ءبارىن تابا الاسىز!
— اڭگىمەڭىزگە راحمەت!
ب. چويباسوۆ
