«Medisina qyzmetkerı künı» merekesı qarsaŋynda jäne Täuelsızdıgımızdıŋ 30 jyldyǧyna orai «Almaty oblystyq balalar klinikalyq auruhanasy» turaly audandyq mäslihatynyŋ deputaty, Ile audany äkımı janyndaǧy memlekettık qyzmetterdıŋ sapasyn baqylau jönındegı monitoringtık tobynyŋ müşesı, Keŋse meŋgeruşısı, Densaulyq BPŪ töraiymy Aqjoltaeva Gülmira Esqaliqyzy oi-pıkırımen bölıstı.
— Gülmira Esqaliqyzy, «Almaty oblystyq balalar klinikalyq auruhanasy» qai jyly aşyldy?
— Bız jas, bıraq bolaşaǧy zor ūiymdardyŋ bırımız. «Almaty oblystyq balalar klinikalyq auruhanasy» 2011 jyldyŋ qaraşa aiynda paidalanuǧa berılgen «100 mektep, 100 auruhana» memlekettık baǧdarlamasy aiasynda tiptık jobaǧa säikes salynǧan. 2011 jyldyŋ 25 qaraşasynda kündızgı stasionarlyq tösekterı bar konsultativtı-diagnostikalyq emhana aiasynda auruhananyŋ saltanatty aşyluy öttı. «Almaty oblystyq balalar auruhanasy» GKKP — būl Almaty oblysynyŋ balalaryna mamandandyrylǧan medisinalyq kömek körsetıletın zamanaui diagnostikalyq jäne medisinalyq jabdyqtarmen jabdyqtalǧan, Almaty oblysynyŋ konsultativtık-diagnostikalyq emhanasy bar balalar köpsalaly auruhanasyna ainaldy. Auruhana oblys äkımınıŋ şeşımımen Ötegen batyr auylynda salyndy.
— Aimaqtyq balalar auruhanasynyŋ kadrlyq jaǧdaiy qalai?
— Auruhana — S. D. Asfendiiarov atyndaǧy Qazaq Ūlttyq medisinalyq universitetı, Qazaqstan — Resei medisinalyq universitetı, Almaty memlekettık därıgerlerdıŋ bılıktılıgın arttyru instituty kafedralarynyŋ klinikalyq bazasymen tyǧyz jūmys ısteidı. Bızdıŋ därıgerler ünemı şetelde bılıktılıktı arttyru kurstarynan ötude. Jyl saiyn qatarymyzǧa jas mamandar qosylyp otyrady.
— Bılıktı mamandaryŋyz qandai bölımderde jūmys atqarady?
— 2012 jyldyŋ qaŋtarynan bastap qabyldau bölımşesı men hirurgiialyq, travmatologiia, jaqbet, somatikalyq, nevrologiialyq, gematologiialyq, onkologiialyq bölımderdı, sonymen qatar, jansaqtau bölımın qamtityn 7 mamandandyrylǧan klinikalyq bölımnen tūratyn, 200 tösek-oryndyq köpsalaly stasionar aşyldy. Onda şala tuylu jäne neonataldy patologiia bölımı, kündızgı stasionar, fizioterapiia bölımı, sonymen qatar paraklinikalyq bölımderde qaltyqsyz qyzmet etedı. Bıraq soǧan qaramastan mamandar tapşylyǧy älı de bolsa da kün tärtıbınen tüsken emes.
— Jalpy balalar aimaqtyq auruhanasynda nauqas balalardy emdeu şaralary qalai ötedı?
— Bızdıŋ klinikada balalar diagnostikalyq tekseruden ötıp, mamandardan keŋester, täulık boiǧy jäne kündızgı stasionar türınde stasionarlyq kömek ala alady. Bızdıŋ därıgerlerdıŋ mındetı — asqynu qaupınıŋ aldyn alu jäne qalpyna keltıru kezeŋın mümkındıgınşe jaqyndatu. Auruhana — ömır süruınıŋ salystyrmaly türde qysqa merzımınde bırneşe ret transformasiiadan ötılgen. Mysaly: şaruaşylyq jürgızu qūqyǧy negızınde Memlekettık käsıporyn märtebesın aldyq; Respublikalyq konkursta «Üzdık aimaqtyq balalar medisinalyq ūiymy» nominasiiasy boiynşa jeŋımpaz atandyq.
Bız medisina salasyndaǧy qyzmettıŋ perspektivalyq baǧyttaryn igeruge, Almaty oblysynyŋ balalaryna medisinalyq qyzmet körsetu sapasyn ünemı jaqsartu jäne jaqsartu tūrǧysynan öz mümkındıkterımızdı keŋeituge baǧyttalǧanbyz.
— Sız jaqynda «Nur Otan» partiiasy audandyq filialy atynan audandyq mäslihatyna deputat bolyp sailandyŋyz. El qalaulysy retınde qandai jaŋalyqtaryŋyz bar?
— Men mäslihat deputattyǧymen qatar memlekettık qyzmetterdı tekseru boiynşa manitoringtık toptyŋ müşesımın. Audan kölemınde memleket tarapynan qarapaiym halyqqa körsetıletın qyzmetterdı baqylaimyz. Köptegen olqylyqtarymyz bar. Halyqqa qyzmet körsetu qyzmetı boiynşa keibır okrugterımız salǧyrt qaraidy. Köp memlekettık ǧimarattarǧa mümkındıgı şekteulı azamattardyŋ jäi kırıp-şyǧuynyŋ özı qiyndyq tudyrady. Bırınde pandusy joq bolsa, ekınşısınde zaǧip jandarǧa arnalǧan qarapaiym brail şrifpen jazylǧan taqtalary joq bolyp şyǧady. Jalpy damudy közdegen el bolǧandyqtan menıŋ oiymşa osyndai kışkentai mäselelerdı jıtı qadaǧalauymyz qajet. Ekınşıden, bızdıŋ auruhana pandemiia kezınde äleumettık jaǧdaiy tömen otbasylardyŋ balalaryna ülken kömek körsettı. Onyŋ barlyǧyn jıpke tızgendei aitudyŋ da eşqandai qajetı joq şyǧar. Ötkendegı Şaryn şatqalynda bolǧan su tasqynynda zardap şekken jas jetkınşekterge de psihologiialyq jäne medisinalyq kömek qolyn bırınşı bolyp bızdıŋ Almaty oblysy aimaqtyq auruhanasynyŋ ūjymy boldy. Auruhana ışınde nauqas balalardyŋ köŋılın aulau üşın türlı köŋıldı ıs-şaralardy jiı ötkızemız.
— Gülmira Esqaliqyzy, ärıptesterıŋızge qandai tılek aitasyz?
— Bala — ata-ana üşın eŋ qymbat qazyna. Bız būl qazynany ömır boiy qorǧauǧa daiynbyz. Balanyŋ külımsıreuınen ädemı eşteŋe joq. Denı sau balalar — sau bolaşaq! Bız olarǧa şyn jürekten kömek qolyn sozuǧa daiynbyz! Ötken jyl bärımız üşın qiyn boldy, bıraq därıgerlerımızdıŋ arqasynda bız būl qiyn joldy qaitpas jıger, qairalǧan täjırbiemızben jäne qūlşynyspen öttık! Men barlyq ärıptesterımdı aldymen Täuelsızdıgımızdıŋ 30 jyldyq merekesımen jäne kele jatqan töl merekelerımen qūttyqtaǧym keledı! Ärbırımızdıŋ üiımızde ärdaiym tynyştyq pen jailylyq bolsyn. Sızderge myqty densaulyq pen qajyrly eŋbekterıŋızge şydamdylyq tıleimın! Söz soŋynda aitarym, balalaryŋyzdyŋ densaulyǧyna tek eŋ jaqsy mamandarǧa senıŋız, mūnda sız balaŋyzdyŋ densaulyǧy üşın qajet närsenıŋ bärın taba alasyz!
— Äŋgımeŋızge rahmet!
B. ChOIBASOV
Ūqsas jaŋalyqtar
