“مۇزداتقىشتاعى ءسابي ءولىمى”: دارىگەردىڭ ءىسى قايتا قارالۋى مۇمكىن

1540
Adyrna.kz Telegram

اتىراۋدا «جاڭا تۋعان ءسابيدى مۇزداتقىشقا سالىپ ءولتىردى» دەگەن ايىپپەن سوتتالعان دارىگەرلەردىڭ ءىسى قايتا قارالۋى مۇمكىن. سوتتالعانداردىڭ جاڭا ادۆوكاتى نۇرلان جولبولوۆتىڭ ايتۋىنشا، ونىڭ قولىندا اق حالاتتىلاردىڭ كىناسىزدىگىن دالەلدەيتىن دەرەك كوپ. بۇگىن نۇر-سۇلتان قالاسىندا وسى ماسەلەگە قاتىستى ءباسپاسوز كونفەرەنتسياسى ءوتتى، دەپ مالىمدەدى azattyq-ruhy.kz.

ءباسپاسوز جيىنىندا العاشقى بولىپ ءسوز سويلەگەن اكۋشەر-گينەكولوگ زويا ان نارەستەنىڭ ءولى كۇيىندە تۋىلعانىنا سەنىمدى.

«ۇرىق ءولى تۋىلعان دەپ ايتۋعا تولىق نەگىز بار، ويتكەنى بالانىڭ جاتىر قابىرعاسىنان مەرزىمىنەن بۇرىن تولىق ءبولىنۋى بولعان. سونىمەن قاتار، مالىمەتتەر بويىنشا، بوسانۋ قىزمەتىنىڭ باستالۋىمەن بوسانعانعا دەيىن ۇرىقتىڭ قوزعالۋى مەن جۇرەك سوعۋىنىڭ بولماۋى بايقالعان، مۇنى بوسانعان ايەلدىڭ ءوزى دە راستادى»، - دەدى قازاقستان اكۋشەرلەرى مەن نەوناتولوگتارى كونگرەسى قق ساراپشىسى زويا ان.

مامانداردىڭ كەلتىرگەن دەرەكتەرىنە سۇيەنسەك، اياعى اۋىر كەلىنشەك اتىراۋ قالاسىنداعى ەمحانالاردىڭ بىرىندە ەسەپكە تۇرىپ، دارىگەردىڭ قاراۋىندا بولعان. جۇكىتىلىك كەزىندە ول بەس مارتە ۋلترودىبىستىق زەرتتەۋدەن ءوتىپ، سوڭعى ۇشەۋىندە جۇكتىلىكتىڭ پاتولوگيالارى بايقالعان ەكەن.

«جۇكتىلىكتىڭ 24-25-اپتاسىندا پاتسيەنت ءىشىنىڭ تومەن جاعى اۋىراتىنىنا شاعىم جاساپ، جەدەل-جاردەم قىزمەتىن شاقىرعان. وسىلايشا، بالا مەرزىمىنەن بۇرىن - 25-26 اپتا ارالىعىندا ەرتە تۋىلعان، دەنە سالماعى 800 گراممدى قۇرادى. سونىمەن قاتار، شالا تۋىلعان نارەستەنىڭ باۋىرى ءتيىستى سالماعىنان 10 ەسەگە ۇلكەن (200 گرامم) جانە تەرىس ورنالاسقان ەكەن. جۇرەك تە ءوز نورماسىنان 2-2,5 ەسەگە ۇلكەن بولعان. بۇل قۇرساقتان تىس ومىرگە سايكەس كەلمەيدى. ۇرىق كوپتەگەن اقاۋلارعا، سۋدىڭ جەتىسپەۋشىلىگىنە، پلاتسەنتا پروبلەمالارىنا بايلانىستى ومىرگە قابىلەتسىز بولدى جانە بۇل ەرتە بوسانۋدىڭ سەبەبى بولدى»، - دەيدى زويا ان.

ماماندار «ءسابيدىڭ ءتىرى تۋىلۋى مۇمكىن ەدى، بىراق مۇنداي پوتولوگيالارمەن ول اناسىنان اجىراعان ساتتە ءبارىبىر كوز جۇمادى» دەگەندى العا تارتىپ وتىر. كونفەرەنتسياعا ونلاين قاتىسقان تاۋەلسىز سوت-مەديتسينالىق ساراپشىسى تاحير حاليمنازاروۆ ساراپتاما جۇمىستارىنىڭ ناتيجەلەرى ءبىر-بىرىمەن بايلانىسپايتىندىعىن ايتادى.

«باتىس قازاقستان وبلىسىندا جۇرگىزىلگەن سوت-مەديتسينالىق ساراپتاما شالا تۋعان نارەستەنىڭ ءولىمى ىشكى اعزالاردىڭ جەتىلمەگەندىگىنەن تۋىنداپ، تىنىس الۋ جەتكىلىكسىزدىگىنە اكەپ سوقتىردى دەگەن قورىتىندى بەردى. ال ولاردىڭ قاراعاندىداعى ساراپشى ارىپتەستەرى جاساعان قورىتىندى بويىنشا ءولىم مۇزداتقىشتاعى تۇيىق كەڭىستىكتە ورىن العان. ەكى قورىتىندى ءارتۇرلى جانە ەكەۋى دە شىندىققا جاناسپايدى»، - دەيدى تاۋەلسىز سوت-مەديتسينالىق ساراپشى، قر سوت ساراپشىلارىنىڭ رەسپۋبليكالىق پالاتاسىنىڭ مۇشەسى تاحير حاليمنازاروۆ.

نۇرلان جولبولوۆتىڭ ايتۋىنشا، اتىراۋ وبلىستىق سىبايلاس جەمقورلىقپەن كۇرەس قىزمەتىنىڭ باق وكىلدەرىنە بەرگەن اقپاراتتارى قوعامدا تەرىس پىكىر قالىپتاسۋىنا ىقپال ەكەن.

«سوت ءوز كەزەگىندە جاساندى تۇردە جاسالعان قوعامدىق پىكىرگە قارسى كەلگىسى كەلمەي، بارلىق ءىستى باستاعان كۇش قۇرىلىم قىزمەتكەرلەرىنە ءتيىمدى ۇكىم شىعاردى. وسىعان وراي، ادىلەتتىلىككە قول جەتكىزۋ ءۇشىن ءبىز قازىر اتىراۋ وبلىستىق سوتىنا اپەللياتسيالىق شاعىمىمىزدى جازدىق. جالپى، ءىس بويىنشا ونداعان ورەسكەل زاڭبۇزۋشىلىقتار بار. مىسالى، نىسانباەۆتان تەرگەۋدىڭ بارلىق كەزەڭىندە ەشقاشان جاۋاپ الىنباعان، سول ارقىلى ول قورعالۋ كونستيتۋتسيالىق قۇقىعىنان ايىرىلعان»، - دەدى نۇرلان جولبولوۆ.

سوت ۇكىمى شىقپاس بۇرىن الەۋمەتتىك جەلىلەردە دارىگەرلەردىڭ تەلەفون ارقىلى سويلەسكەن اۋديوجازباسى تاراعان بولاتىن. الايدا قورعاۋشى اتالعان اۋديونىڭ مونتاجدالعانىنا سەنىمدى.

«ادۆوكاتتار سوتتىڭ ءبىرىنشى ينستانتسياسىندا ايىپتاۋشى تاراپتان سوتقا اۋديوجازبانىڭ ءبىرىنشى دەرەككوزىن ۇسىنۋدى سۇرادى. الايدا ءىس جۇزىندە ەشقانداي دەرەككوزى بولمادى. سونداي-اق، 2 جارىم مينۋتىق اۋديونىڭ تەك 1 جارىم مينۋتى عانا ۇسىنىلدى. ياعني دارىگەرلەردىڭ شىن مانىسىندە نە تۋرالى سويلەسكەنى كۇماندى اقپاراتقا جاتادى. ءبىزدىڭ ويىمىزشا، بۇل جەردە مونتاج جاسالعان. مەنىڭ قورعاۋىمداعى ازاماتتار دا وسىنى ايتىپ وتىر. ءبىز بۇل اۋديوعا ساراپتاما جاساۋ ءۇشىن سوتقا ءوتىنىش بىلدىردىك، بىراق ول قابىلدانعان جوق»، - دەدى ادۆوكات.

اتىراۋ وبلىستىق پەريناتالدىق ورتالىعىنىڭ بۇرىنعى باس دارىگەرى قۋانىش نىسانباەۆ پەن ورتالىقتىڭ اكۋشەر-گينەكولوگى قىزمەتىن اتقارعان قايىرجان اسقاردىڭ ادۆوكاتى تەرگەۋ بارىسىندا ورەسكەل بۇزۋشىلىقتار بولعانىن ايتتى.

«ءبىزدىڭ قولىمىزدا ساراپتامالىق جۇمىستاردىڭ بىرىندە ءمايىتتىڭ اۋىستىرىلعانىن دالەلدەيتىن دەرەكتەر بار. كوميسسيانىڭ جاساعان ءبىرىنشى ساراپتاماسى دارىگەرلەردىڭ پايداسىنا ءتيدى. ويتكەنى، ول جەردە ءسابيدىڭ اۋا جەتىسپەۋشىلىگىنەن قايتىس بولعاندىعى ايتىلدى. ال ەكىنشى ساراپتامادا «شاقالاق توڭازىتقىش كامەراسىنا سالىنعاندىقتان كوز جۇمدى» دەگەن مالىمەت كەلتىرىلدى. الايدا قورعاۋشى تاراپ ەكسگۋماتسيا كەزىندە باسقا ءمايىتتىڭ الىنعاندىعىنا سەنىمدى. تيىسىنشە ساراپتاما بوگدە مايىتكە جاسالدى»، - دەدى نۇرلان جولبولوۆ.

وسىلايشا اتالعان ىسكە قاتىستى اتىراۋ وبلىستىق سوتى اپەللياتسيالىق شاعىمدى 21 ماۋسىم كۇنى وففلاين رەجيمدە قاراماق. ايىپتالۋشى تاراپ سوتقا ماتەريالدى قايتا تەرگەۋ جونىندە ءوتىنىش بەرمەك.

ەسكە سالا كەتەيىك، پەريناتالدىق ورتالىقتىڭ بۇرىنعى باس دارىگەرى قۋانىش نىسانباەۆ 18 جىلعا، اكۋشەر-گينەكولوگ اسقار قايىرجان 16 جىلعا، اكۋشەر ءجاميلا قۇلباتىروۆا 15 جىلعا باس بوستاندىعىنان ايىرىلدى.

پىكىرلەر