Atyraýda «jańa týǵan sábıdi muzdatqyshqa salyp óltirdi» degen aıyppen sottalǵan dárigerlerdiń isi qaıta qaralýy múmkin. Sottalǵandardyń jańa advokaty Nurlan Jolbolovtyń aıtýynsha, onyń qolynda aq halattylardyń kinásizdigin dáleldeıtin derek kóp. Búgin Nur-Sultan qalasynda osy máselege qatysty baspasóz konferenııasy ótti, dep málimdedi azattyq-ruhy.kz.
Baspasóz jıynynda alǵashqy bolyp sóz sóılegen akýsher-gınekolog Zoıa An náresteniń óli kúıinde týylǵanyna senimdi.
«Uryq óli týylǵan dep aıtýǵa tolyq negiz bar, óıtkeni balanyń jatyr qabyrǵasynan merziminen buryn tolyq bólinýi bolǵan. Sonymen qatar, málimetter boıynsha, bosaný qyzmetiniń bastalýymen bosanǵanǵa deıin uryqtyń qozǵalýy men júrek soǵýynyń bolmaýy baıqalǵan, muny bosanǵan áıeldiń ózi de rastady», - dedi Qazaqstan akýsherleri men neonatologtary kongresi QQ sarapshysy Zoıa An.
Mamandardyń keltirgen derekterine súıensek, aıaǵy aýyr kelinshek Atyraý qalasyndaǵy emhanalardyń birinde esepke turyp, dárigerdiń qaraýynda bolǵan. Júkitilik kezinde ol bes márte ýltrodybystyq zertteýden ótip, sońǵy úsheýinde júktiliktiń patologııalary baıqalǵan eken.
«Júktiliktiń 24-25-aptasynda paıent ishiniń tómen jaǵy aýyratynyna shaǵym jasap, jedel-járdem qyzmetin shaqyrǵan. Osylaısha, bala merziminen buryn - 25-26 apta aralyǵynda erte týylǵan, dene salmaǵy 800 grammdy qurady. Sonymen qatar, shala týylǵan náresteniń baýyry tıisti salmaǵynan 10 esege úlken (200 gramm) jáne teris ornalasqan eken. Júrek te óz normasynan 2-2,5 esege úlken bolǵan. Bul qursaqtan tys ómirge sáıkes kelmeıdi. Uryq kóptegen aqaýlarǵa, sýdyń jetispeýshiligine, plaenta problemalaryna baılanysty ómirge qabiletsiz boldy jáne bul erte bosanýdyń sebebi boldy», - deıdi Zoıa An.
Mamandar «sábıdiń tiri týylýy múmkin edi, biraq mundaı potologııalarmen ol anasynan ajyraǵan sátte báribir kóz jumady» degendi alǵa tartyp otyr. Konferenııaǵa onlaın qatysqan táýelsiz sot-medıınalyq sarapshysy Tahır Halımnazarov saraptama jumystarynyń nátıjeleri bir-birimen baılanyspaıtyndyǵyn aıtady.
«Batys Qazaqstan oblysynda júrgizilgen sot-medıınalyq saraptama shala týǵan náresteniń ólimi ishki aǵzalardyń jetilmegendiginen týyndap, tynys alý jetkiliksizdigine ákep soqtyrdy degen qorytyndy berdi. Al olardyń Qaraǵandydaǵy sarapshy áriptesteri jasaǵan qorytyndy boıynsha ólim muzdatqyshtaǵy tuıyq keńistikte oryn alǵan. Eki qorytyndy ártúrli jáne ekeýi de shyndyqqa janaspaıdy», - deıdi táýelsiz sot-medıınalyq sarapshy, QR Sot sarapshylarynyń respýblıkalyq palatasynyń múshesi Tahır Halımnazarov.
Nurlan Jolbolovtyń aıtýynsha, Atyraý oblystyq sybaılas jemqorlyqpen kúres qyzmetiniń BAQ ókilderine bergen aqparattary qoǵamda teris pikir qalyptasýyna yqpal eken.
«Sot óz kezeginde jasandy túrde jasalǵan qoǵamdyq pikirge qarsy kelgisi kelmeı, barlyq isti bastaǵan kúsh qurylym qyzmetkerlerine tıimdi úkim shyǵardy. Osyǵan oraı, ádilettilikke qol jetkizý úshin biz qazir Atyraý oblystyq sotyna apellıaııalyq shaǵymymyzdy jazdyq. Jalpy, is boıynsha ondaǵan óreskel zańbuzýshylyqtar bar. Mysaly, Nysanbaevtan tergeýdiń barlyq kezeńinde eshqashan jaýap alynbaǵan, sol arqyly ol qorǵalý konstıtýııalyq quqyǵynan aıyrylǵan», - dedi Nurlan Jolbolov.
Sot úkimi shyqpas buryn áleýmettik jelilerde dárigerlerdiń telefon arqyly sóılesken aýdıojazbasy taraǵan bolatyn. Alaıda qorǵaýshy atalǵan aýdıonyń montajdalǵanyna senimdi.
«Advokattar sottyń birinshi ınstanııasynda aıyptaýshy taraptan sotqa aýdıojazbanyń birinshi derekkózin usynýdy surady. Alaıda is júzinde eshqandaı derekkózi bolmady. Sondaı-aq, 2 jarym mınýtyq aýdıonyń tek 1 jarym mınýty ǵana usynyldy. Iaǵnı dárigerlerdiń shyn mánisinde ne týraly sóıleskeni kúmándi aqparatqa jatady. Bizdiń oıymyzsha, bul jerde montaj jasalǵan. Meniń qorǵaýymdaǵy azamattar da osyny aıtyp otyr. Biz bul aýdıoǵa saraptama jasaý úshin sotqa ótinish bildirdik, biraq ol qabyldanǵan joq», - dedi advokat.
Atyraý oblystyq perınataldyq ortalyǵynyń burynǵy bas dárigeri Qýanysh Nysanbaev pen ortalyqtyń akýsher-gınekology qyzmetin atqarǵan Qaıyrjan Asqardyń advokaty tergeý barysynda óreskel buzýshylyqtar bolǵanyn aıtty.
«Bizdiń qolymyzda saraptamalyq jumystardyń birinde máıittiń aýystyrylǵanyn dáleldeıtin derekter bar. Komıssııanyń jasaǵan birinshi saraptamasy dárigerlerdiń paıdasyna tıdi. Óıtkeni, ol jerde sábıdiń aýa jetispeýshiliginen qaıtys bolǵandyǵy aıtyldy. Al ekinshi saraptamada «shaqalaq tońazytqysh kamerasyna salynǵandyqtan kóz jumdy» degen málimet keltirildi. Alaıda qorǵaýshy tarap eksgýmaııa kezinde basqa máıittiń alynǵandyǵyna senimdi. Tıisinshe saraptama bógde máıitke jasaldy», - dedi Nurlan Jolbolov.
Osylaısha atalǵan iske qatysty Atyraý oblystyq soty apellıaııalyq shaǵymdy 21 maýsym kúni offlaın rejımde qaramaq. Aıyptalýshy tarap sotqa materıaldy qaıta tergeý jóninde ótinish bermek.
Eske sala keteıik, perınataldyq ortalyqtyń burynǵy bas dárigeri Qýanysh Nysanbaev 18 jylǵa, akýsher-gınekolog Asqar Qaıyrjan 16 jylǵa, akýsher Jámıla Qulbatyrova 15 jylǵa bas bostandyǵynan aıyryldy.
