ستۋدەنتتەرگە جاپپاي ۆاكتسينا سالىنا ما؟

3638
Adyrna.kz Telegram

الماتى قالاسىنىڭ باس سانيتار دارىگەرى جانداربەك بەكشين ستۋدەنتتەردىڭ قانداي جاعدايدا وقۋ ورنىنا كەلىپ وقي الاتىنىن ايتتى، دەپ حابارلايدى Sputnik قازاقستان.

"ەلىمىزدە ۆاكتسينا سالدىرۋ تۋرالى شەشىمدى اركىم ەرىكتى تۇردە قابىلدايدى. مەنىڭشە، ستۋدەنتتەر وفلاين رەجيمدە وقىعىسى كەلسە، وقۋ ورنىنىڭ ستۋدەنتتەرى مەن وقىتۋشىلارىنىڭ 80%-تەن اسقان بولىگى ۆاكتسينا سالدىرۋى كەرەك. بۇل بالاباقشا، مەكتەپتە دە ءدال سولاي. ەگەر وتباسىدا 18 جاستان اسقاندار ۆاكتسينا سالدىرعان بولسا، بالالار مەكتەپكە بارىپ وقۋى كەرەك", - دەدى جانداربەك بەكشين.

بەكشيننىڭ سوزىنشە، ۆاكتسينالاۋ كوپتەگەن ماسەلەنى شەشۋگە كومەكتەسەدى.

"كەلەسى وقۋ جىلىن وفلاين فورماتتا باستاۋ كەرەك. ول ءۇشىن 18 جاستان اسقان بارلىق ادام ۆاكتسينا سالدىرۋى كەرەك. ەگەر ستۋدەنت جاتاقحانادا تۇراتىن بولسا، مەديتسينالىق قارسى كورسەتكىشتەرى بار ادامنان باسقاسىنىڭ ءبارى ۆاكتسينا سالدىرعان بولۋى قاجەت", - دەدى قالانىڭ باس سانيتار دارىگەرى.

ايتا كەتەيىك، 2021 جىلدىڭ 16 ماۋسىمىنداعى جاعداي بويىنشا قالادا 351 497 ادام ۆاكتسينا سالدىردى، بۇل الماتى قالاسى حالقىنىڭ – 17,7%-ءى.

پىكىرلەر