نازارباەۆ ۋنيۆەرسيتەتىندە وقيتىن ءاربىر ستۋدەنتكە 240 مىڭ دوللار (110 797 200 تەڭگە — رەد.) بولىنەدى. بۇل تۋرالى قازاقستان جوعارى وقۋ ورىندارى قاۋىمداستىعىنىڭ پرەزيدەنتى راحمان الشانوۆ ايتتى، دەپ حابارلايدى «ادىرنا» ءتىلشىسى.
«نازارباەۆ ۋنيۆەرسيتەتىندە ءبىر ستۋدەنتكە 240 مىڭ دوللار بولىنەدى، ال گارۆاردتا بار بولعانى 40 مىڭ دوللار. بىلاي الىپ قاراساق، بىزدە التى ەسە جوعارى بولىپ وتىر. گارۆاردتان التى ەسە كوپ مامان شىعارىپ جاتىرمىز با؟ بارلىق اقشا قايدا كەتەدى؟ تەكسەرۋشى ورگاندار وسىنى قاداعالاۋى كەرەك»،—دەدى ول.
ايتۋىنشا، ءبىر جاتاقحانا سالۋعا 2 ملرد تەڭگە كەتەدى.
«نازارباەۆ كنيۆەرسيتەتىنىڭ جىلدىق بيۋدجەتىنىڭ جارتىسىن ۇنەمدەيتىن بولسا، 100 جاتاقحانا سالۋعا بولاتىن ەدى. ال 100 جاتاقحانا دەگەن 5 مىڭ ستۋدەنتتىڭ پاناسى. سوندا كەشەگى حوستەلدەگىدەي وقيعا بولمايتىن ەدى»،—دەپ تولىقتىردى الشانوۆ.
