Almaty qalasynyń bas sanıtar dárigeri Jandarbek Bekshın stýdentterdiń qandaı jaǵdaıda oqý ornyna kelip oqı alatynyn aıtty, dep habarlaıdy Sputnik Qazaqstan.
"Elimizde vakına saldyrý týraly sheshimdi árkim erikti túrde qabyldaıdy. Menińshe, stýdentter oflaın rejımde oqyǵysy kelse, oqý ornynyń stýdentteri men oqytýshylarynyń 80%-ten asqan bóligi vakına saldyrýy kerek. Bul balabaqsha, mektepte de dál solaı. Eger otbasyda 18 jastan asqandar vakına saldyrǵan bolsa, balalar mektepke baryp oqýy kerek", - dedi Jandarbek Bekshın.
Bekshınniń sózinshe, vakınalaý kóptegen máseleni sheshýge kómektesedi.
"Kelesi oqý jylyn oflaın formatta bastaý kerek. Ol úshin 18 jastan asqan barlyq adam vakına saldyrýy kerek. Eger stýdent jataqhanada turatyn bolsa, medıınalyq qarsy kórsetkishteri bar adamnan basqasynyń bári vakına saldyrǵan bolýy qajet", - dedi qalanyń bas sanıtar dárigeri.
Aıta keteıik, 2021 jyldyń 16 maýsymyndaǵy jaǵdaı boıynsha qalada 351 497 adam vakına saldyrdy, bul Almaty qalasy halqynyń – 17,7%-i.
