جامبىل وبلىسىندا بولعان اتىستا بەس ادام جارالاندى، دەپ حابارلايدى «ادىرنا» ۇلتتىق پورتالى Polisia.kz سايتىنا سىلتەمە جاساپ.
وقيعا 15 ماۋسىمدا بولعان. پوليتسيا سارىسۋ اۋداندىق ورتالىق اۋرۋحاناسىنان 20, 22, جانە 24 جاستاعى بەس تۇرعىننىڭ بىتىرالى وقتان جاراقات العانى تۋرالى حابارلاما العان.
پوليتسيا قىزمەتكەرلەرى جانجال كەزىندە ەر ادام جابىرلەنۋشىلەرگە وق اتقانىن انىقتاعان.
22 جاستاعى كۇدىكتى ۇستالدى. ايىپتالۋشى كىناسىن تولىق مويىندادى. سونىمەن قاتار قازىر ول ۋاقىتشا ۇستاۋ يزولياتورىندا. قاجەتتى ساراپتامالار دا تاعايىندالدى.
ايتا كەتەيىك، اتالعان فاكتى بويىنشا سوتقا دەيىنگى تەرگەۋ امالدارى باستالدى.
"ادىرنا" ۇلتتىق پورتالى
