بەلارۋس پرەزيدەنتى الەكساندر لۋكاشەنكو باس پروكۋراتۋرا مەن تەرگەۋ كوميتەتىنىڭ جاڭا باسشىلارىنا ەلدە قولدانىستاعى مەملەكەتتىك قۇرىلىمعا قارسى «رەۆوليۋتسيالىق كۇرەسكە» جول بەرمەۋدى تاپسىردى، دەپ حابارلايدى "ادىرنا" ۇلتتىق پورتالى جەرگىلىكتى باسىلىمعا سىلتەپ.
بۇل تۋرالى بەلارۋس پرەزيدەنتىنىڭ ءباسپاسوز قىزمەتىنە سىلتەمە جاساپ Caliber.Az حابارلادى.
مەملەكەت باسشىسىنىڭ ايتۋىنشا، بيلىكتى وزگەرتۋ ءۇشىن زاڭدى جول — سايلاۋ.
«رەۆوليۋتسيالىق كۇرەسكە باعىتتالعان قانداي دا ءبىر ارەكەتتەرگە جول بەرىلمەۋى كەرەك. بۇل ماسەلەلەردى شەشۋدىڭ جولى — سايلاۋ. بەلارۋستا وعان بارلىق مۇمكىندىك بار. ونىڭ ۇستىنە قازىرگى پرەزيدەنت، ءوزىم ءجيى ايتىپ جۇرگەندەي، بيلىككە كوگەرگەن ساۋساقتارىمەن جابىسىپ وتىرعان جوق»، — دەدى لۋكاشەنكو.
سونداي-اق الەكساندر لۋكاشەنكو ءوزىن «كەتىپ بارا جاتقان پرەزيدەنت» دەپ تاعى دا اتادى.
«بىرەۋلەر الاڭدايدى، بىرەۋلەر قۋانادى. بۇل ەرتەڭ ءبارىن تاستاپ كەتەمىز دەگەن ءسوز ەمەس. بىراق مەن پرەزيدەنتتىك قىزمەتتىڭ العاشقى نەمەسە ەكىنشى جىلىنداعى ادام ەمەسپىن»، — دەدى ول.
سونىمەن قاتار بەلارۋس پرەزيدەنتى ادام قۇقىقتارىن ساقتاۋ ماڭىزدى ەكەنىن اتاپ ءوتتى.
ء«ار ادامنىڭ ەڭبەك ەتۋگە، جالاقى الۋعا، ادىلدىككە قۇقىعى بار. بۇل قۇقىقتار بىزدە قامتاماسىز ەتىلۋى ءتيىس»، — دەپ تۇيىندەدى لۋكاشەنكو.
