قايعىلى وقيعا 16 ماۋسىم كۇنى ساعات 19.00-دە بايماعامبەتوۆ كوشەسىندە بولدى. وبلىس ورتالىعىنىڭ 37 جاستاعى تۇرعىنى ۇستالدى، دەپ حابارلايدى قوستاناي وبلىستىق پوليتسيا دەپارتامەنتىنىڭ ءباسپاسوز قىزمەتى. بۇل تۋرالى Sputnik قازاقستان سايتى جازدى.
«قايتىس بولعان ايەلدىڭ كىم ەكەنى انىقتالىپ جاتىر. قىلمىستىق كودەكستىڭ «ادام ءولتىرۋ» 99-بابىمەن قاراستىرىلعان سوتقا دەيىنگى تەرگەۋ باستالدى»، - دەپ حابارلادى پوليتسياداعىلار.
قىلمىستىڭ سەبەبى تەكسەرىلىپ جاتىر.
كۋاگەرلەردىڭ ايتۋىنشا، ەر ادام ايەلگە بىرنەشە رەت پىشاق سۇعىپ العان، كەيىن ءوزىن جاراقاتتاعان. سونداي-اق كۋاگەرلەر ەر ادامنىڭ قايتىس بولعان ايەلدىڭ بۇرىنعى كۇيەۋى بولعانىن ايتادى.
«پوليتسياعا وقيعا تۋرالى حابارلاما ساعات 18.51-دە ءتۇستى، جەدەل جاردەم 18.53-تە جەتتى. وقيعا ورنىنا جەتكەن دارىگەرلەر 1988 جىلى تۋعان ايەلدىڭ جەردە جاتقانىن كوردى. ول جەدەل جاردەم كەلگەنگە دەيىن قايتىس بولعان»، - دەدى دەنساۋلىق ساقتاۋ باسقارماسىنىڭ ءباسپاسوز حاتشىسى كسەنيا جىلقىباەۆا.
1984 جىلى تۋعان ەر ادام ىشىنە پىشاق سالعان. ەكىنشى بريگادانىڭ كومەگىمەن ول اۋرۋحاناعا جەتكىزىلدى.
"ادىرنا" ۇلتتىق پورتالى
