Qaıǵyly oqıǵa 16 maýsym kúni saǵat 19.00-de Baımaǵambetov kóshesinde boldy. Oblys ortalyǵynyń 37 jastaǵy turǵyny ustaldy, dep habarlaıdy Qostanaı oblystyq polıııa departamentiniń baspasóz qyzmeti. Bul týraly Sputnik Qazaqstan saıty jazdy.
«Qaıtys bolǵan áıeldiń kim ekeni anyqtalyp jatyr. Qylmystyq kodekstiń «Adam óltirý» 99-babymen qarastyrylǵan sotqa deıingi tergeý bastaldy», - dep habarlady polıııadaǵylar.
Qylmystyń sebebi tekserilip jatyr.
Kýágerlerdiń aıtýynsha, er adam áıelge birneshe ret pyshaq suǵyp alǵan, keıin ózin jaraqattaǵan. Sondaı-aq kýágerler er adamnyń qaıtys bolǵan áıeldiń burynǵy kúıeýi bolǵanyn aıtady.
«Polıııaǵa oqıǵa týraly habarlama saǵat 18.51-de tústi, jedel járdem 18.53-te jetti. Oqıǵa ornyna jetken dárigerler 1988 jyly týǵan áıeldiń jerde jatqanyn kórdi. Ol jedel járdem kelgenge deıin qaıtys bolǵan», - dedi densaýlyq saqtaý basqarmasynyń baspasóz hatshysy Ksenııa Jylqybaeva.
1984 jyly týǵan er adam ishine pyshaq salǵan. Ekinshi brıgadanyń kómegimen ol aýrýhanaǵa jetkizildi.
"Adyrna" ulttyq portaly
