وزبەكستان كونتەينەرلەردەگى جىلجىمالى سۇلۋلىق سالوندارىن شىعارۋدى يگەردى، دەپ حابارلايدى «ادىرنا» ۇلتتىق پورتالى.
جەرگىلىكتى باق-تىڭ حابارلاۋىنشا، كۇنى بۇرىن وسىنداي 50 كونتەينەر ەلدىڭ شالعاي اۋىلدارىنا جىبەرىلگەن.
سالوندار قاجەتتى قۇرال-جابدىقتارمەن جانە جيھازدارمەن جابدىقتالعان. ولاردىڭ ارقايسىسى «ايەلدەر داپتەرىنە» ەنگىزىلگەن جانە ارنايى كاسىپتىك دايىندىقتان وتكەن جەتى ايەلدى جۇمىسقا قابىلداي الادى.
جوبانى وزبەكستان كاسىپوداقتار فەدەراتسياسى جۇزەگە اسىرۋدا.
«ايەلدەر داپتەرى» دەگەنىمىز - الەۋمەتتىك، ەكونوميكالىق، قۇقىقتىق، پسيحولوگيالىق قولداۋعا، بىلىمگە جانە كاسىبي دايىندىققا مۇقتاج جانە قىزىعۋشىلىق بىلدىرەتىن جۇمىسسىز ايەلدەردى انىقتاۋ، شەشۋ جانە پروبلەمالارىن قاداعالاۋعا ارنالعان مالىمەتتەر بازاسى.
"ادىرنا" ۇلتتىق پورتالى
