2018 جىلى قىتايدىڭ ەڭ تابىستى ادامى دجەك ما ءوز سوزىندە، جەتىستىكتە جەتۋ ءۇشىن ءۇش Q جۇيەسى مەن 7 قاعيداسىن ۇستانعانىن ايتىپ بەردى. بەلگىلى كاسىپكەر ايەلدەر ەرلەرگە قاراعاندا جاقسى جۇمىس ىستەيتىندىگى تۋرالى دا ايتتى.
Ma يۋن نەمەسە دجەك Ma - قىتايلىق كاسىپكەر، Alibaba Group ديرەكتورلار كەڭەسىنىڭ نەگىزىن قالاۋشى جانە توراعاسى. فوتو سۋرەتى Forbes جۋرنالىنىڭ مۇقاباسىندا جاريالانعان قىتايداعى العاشقى بيزنەسمەن. 2014 جىلدىڭ قاراشا ايىنداعى جاعداي بويىنشا مانىڭ بايلىعى 32,7 ملرد. دوللارعا باعالانىپ، وسىلايشا قىتايداعى ەڭ باي ادام، ال الەمدەگى ەڭ باي ادامدار تىزىمىندە 18-ورىندى يەلەندى.
دجەك ءۇش Q جۇيەسىن ءتۇسىندىرۋ بارىسىندا بىلاي دەيدى:
بىرىنشىدەن، ءبىزدىڭ انىقتاۋىمىز بويىنشا، ايەلدەر ەرلەرگە قاراعاندا ءبىرشاما جاقسى جۇمىس ىستەيدى ەكەن. ەكىنشىدەن، وتكەن عاسىردا ادامدار بىلەك كۇشتەرىمەن سايىستى، جوق ءححى عاسىر بىلەك كۇشى عاسىرى ەمەس، بۇل عاسىر – دانالىق عاسىرى. مەن سەنىمدى تۇردە ايتا الامىن، ەگەر ءسىز تابىستى بولعىڭىز كەلسە، ول جوعارعى EQ-عا (ەموتسيونالدىق كوەففيتسيەنتى) يە بولۋ كەرەك، ەگەر ءسىز ءوشىپ قالعىڭىز كەلمەسە، جوعارعى IQ-عا (ينتەللەكت كوەففيتسيەنتى) يە بولۋىڭىز كەرەك، ال ەگەر دە ءسىزدى ورتاڭىز قۇرمەتتەۋىن قالاساڭىز، جوعارعى LQ-عا (ماحاببات كوەففيتسيەنتى) يە بولۋىڭىز قاجەت. كورسەتىلگەن ءۇش Q بىرىككەن تۇردە ارەكەت ەتەدى دە، ەر ادامداردا بيىكتەۋ IQ, تومەندەۋ EQ جانە وتە تومەن دارەجەدە LQ تۇرادى. ال، بۇل ءۇش Q جۇيەسىنىڭ بالانسى ايەل كىسىلەردە جاقسىراق ساقتالعان.
ەگەر دە، ءسىزدىڭ كومپانياڭىز جەتىستىككە وڭاي ءارى تەز جەتىپ، تابىستى بولۋىن قالاساڭىز. ەگەر شىنىندا، كومپانياڭىز قارقىندى دامىپ، اسقان دانالىقپەن جانە مەيىرىممەن العا سۋىرىلعانىن قالاساڭىز، ايەلدەر بۇل ىستە ۇزدىك!
دجەكتىڭ تابىسقا جەتۋ جولىنداعى 7 قاعيداسى:
- وزىڭنەن اقىلدى جاستى كوردىڭ بە، ونى دەرەۋ جۇمىسقا ال! ويتكەنى ول بولاشاقتا سەنىڭ جۇمىسىڭا قارقىنمەن قوسا تابىس الىپ كەلەدى.
- وپتيميست بول! ومىردەن وتكەن تابىستى ميلليونەرلەر، عالىمدار، كاسىپكەرلەردىڭ بارلىعى وپتيميست بولعان.
- ومىردەن ءلاززات الا ءبىل! مەن كەڭسەمدە اق جاعامەن گالستۋكتا قاعازداردىڭ استىندا قالىپ، ومىردەن وتكىم كەلمەيدى. مەن جاعاجايدا كۇن نۇرلارىنىڭ استىندا قولىمدا سۋسىن، جانىمدا سۇلۋلارمەن ومىردەن وتكىم كەلەدى.
- ءبىلىمىڭنىڭ تايازدىعى سەنىڭ قولىڭنان كەلمەيدى دەگەن ءسوز ەمەس! ارەكەت ەت، ىزدەن، تالپىن، ۇمتىلعان بەتىڭنەن تايما.
- باسىڭمەن جۇمىس ىستە! كەز-كەلگەن شەشىمدى ميىڭدا اناليزدەن وتكىزىپ قانا قابىلدا.
- پارانويك بول! ءبارى جاقسى بولادى دەپ سەنبە، مۇمكىن، جاقسى ەمەس، كەرەمەت بولار.
- جاس كەزىڭدە ارەكەت ەت! ءسىز جۇزجىلدىقتىڭ ەڭ كەرەمەت مەزگىلىندەسىز، ول – جاستىق شاق. سوندىقتان دا، جاس كەزىڭدە ارەكەت ەتە ءبىل.
بۇل سوزدەردەن كەيىن قانىڭىز قايناپ، ومىرگە دەگەن قۇشتارلىعىڭىز ارتىپ كەتكەن بولار. بويىڭىزعا ادرەنالين جۇگىرگەندەي موتيۆاتسيا العان شىعارسىز. بارلىعى مۇمكىن، ويتكەنى بارلىعى ءوزىمىزدىڭ قولىمىزدا! دجەك ما دا وسى ۇعىمدى بىزگە تۇسىندىرگىسى كەلدى. ال جوعارىدا كورسەتىلگەن ءۇش Q جۇيەسى مەن 7 قاعيداسى ونىڭ ءجۇرىپ وتكەن جولى عانا، ەگەر دە ءسىز دە ءومىرىڭىزدىڭ اۋىر سوقپاعىن باسىپ وتكەن سوڭ ارتىڭىزعا قاراساڭىز ءسىزدىڭ جۇيەڭىز بەن قاعيداڭىز ەرەكشە بولار ەدى. دجەك مانىڭ كەڭەسىنە قۇلاق ءتۇرىپ، ءوز ەرەجەلەرىڭىزدى جازىڭىز!
ازامات قوشاباي
