2018 jyly Qytaıdyń eń tabysty adamy Djek Ma óz sózinde, jetistikte jetý úshin úsh Q júıesi men 7 qaǵıdasyn ustanǵanyn aıtyp berdi. Belgili kásipker áıelder erlerge qaraǵanda jaqsy jumys isteıtindigi týraly da aıtty.
Ma Iýn nemese Djek Ma - qytaılyq kásipker, Alibaba Group dırektorlar keńesiniń negizin qalaýshy jáne tóraǵasy. Foto sýreti Forbes jýrnalynyń muqabasynda jarııalanǵan Qytaıdaǵy alǵashqy bıznesmen. 2014 jyldyń qarasha aıyndaǵy jaǵdaı boıynsha Manyń baılyǵy 32,7 mlrd. dollarǵa baǵalanyp, osylaısha Qytaıdaǵy eń baı adam, al álemdegi eń baı adamdar tiziminde 18-oryndy ıelendi.
Djek úsh Q júıesin túsindirý barysynda bylaı deıdi:
Birinshiden, bizdiń anyqtaýymyz boıynsha, áıelder erlerge qaraǵanda birshama jaqsy jumys isteıdi eken. Ekinshiden, ótken ǵasyrda adamdar bilek kúshterimen saıysty, joq HHI ǵasyr bilek kúshi ǵasyry emes, bul ǵasyr – danalyq ǵasyry. Men senimdi túrde aıta alamyn, eger siz tabysty bolǵyńyz kelse, ol joǵarǵy EQ-ǵa (emoıonaldyq koeffııenti) ıe bolý kerek, eger siz óship qalǵyńyz kelmese, joǵarǵy IQ-ǵa (ıntellekt koeffııenti) ıe bolýyńyz kerek, al eger de sizdi ortańyz qurmetteýin qalasańyz, joǵarǵy LQ-ǵa (mahabbat koeffııenti) ıe bolýyńyz qajet. Kórsetilgen úsh Q birikken túrde áreket etedi de, er adamdarda bıikteý IQ, tómendeý EQ jáne óte tómen dárejede LQ turady. Al, bul úsh Q júıesiniń balansy áıel kisilerde jaqsyraq saqtalǵan.
Eger de, sizdiń kompanııańyz jetistikke ońaı ári tez jetip, tabysty bolýyn qalasańyz. Eger shynynda, kompanııańyz qarqyndy damyp, asqan danalyqpen jáne meıirimmen alǵa sýyrylǵanyn qalasańyz, áıelder bul iste úzdik!
Djektiń tabysqa jetý jolyndaǵy 7 qaǵıdasy:
- Ózińnen aqyldy jasty kórdiń be, ony dereý jumysqa al! Óıtkeni ol bolashaqta seniń jumysyńa qarqynmen qosa tabys alyp keledi.
- Optımıst bol! Ómirden ótken tabysty mıllıonerler, ǵalymdar, kásipkerlerdiń barlyǵy optımıst bolǵan.
- Ómirden lázzat ala bil! Men keńsemde aq jaǵamen galstýkta qaǵazdardyń astynda qalyp, ómirden ótkim kelmeıdi. Men jaǵajaıda kún nurlarynyń astynda qolymda sýsyn, janymda sulýlarmen ómirden ótkim keledi.
- Bilimińniń taıazdyǵy seniń qolyńnan kelmeıdi degen sóz emes! Áreket et, izden, talpyn, umtylǵan betińnen taıma.
- Basyńmen jumys iste! Kez-kelgen sheshimdi mıyńda analızden ótkizip qana qabylda.
- Paranoık bol! Bári jaqsy bolady dep senbe, múmkin, jaqsy emes, keremet bolar.
- Jas kezińde áreket et! Siz júzjyldyqtyń eń keremet mezgilindesiz, ol – jastyq shaq. Sondyqtan da, jas kezińde áreket ete bil.
Bul sózderden keıin qanyńyz qaınap, ómirge degen qushtarlyǵyńyz artyp ketken bolar. Boıyńyzǵa adrenalın júgirgendeı motıvaııa alǵan shyǵarsyz. Barlyǵy múmkin, óıtkeni barlyǵy ózimizdiń qolymyzda! Djek Ma da osy uǵymdy bizge túsindirgisi keldi. Al joǵaryda kórsetilgen úsh Q júıesi men 7 qaǵıdasy onyń júrip ótken joly ǵana, eger de siz de ómirińizdiń aýyr soqpaǵyn basyp ótken soń artyńyzǵa qarasańyz sizdiń júıeńiz ben qaǵıdańyz erekshe bolar edi. Djek Manyń keńesine qulaq túrip, óz erejelerińizdi jazyńyz!
Azamat Qoshabaı
