الماتى قالاسىنىڭ توتەنشە جاعدايلار دەپارتامەنتى قالا تۇرعىندارىنا اۋا رايى تۋرالى ەسكەرتۋ جاسادى, دەپ حابارلايدى «ادىرنا» ءتىلشىسى.
دەپارتامەنت بۇگىن، 16 اقپاندا قالادا جاۋىن-شاشىن، كوكتايعاق بولىپ، اۋا تەمپەراتۋراسىنىڭ كۇرت تومەندەۋى كۇتىلەتىنىن اتاپ ءوتتى.
«اياز فونىندا ەلەكتر جەلىلەرىنىڭ شامادان تىس جۇكتەلۋىنەن، ەلەكتر قۇرالدارىن پايدالانۋ ەرەجەلەرىن بۇزۋدان، گاز جابدىقتارىن، كومىر پەشتەرىن دۇرىس پايدالانباۋ جانە قولدان جاسالعان جىلىتۋ قۇرىلعىلارىن پايدالانۋ سالدارىنان تۇرمىستىق ورتتەردىڭ شىعۋ ىقتيمالدىعى ارتادى. دەمالىس كۇندەرى سىناپ باعاناسى - 20 گرادۋسقا دەيىن تومەندەيدى»،—دەلىنگەن حابارلامادا.
الماتى قالاسى تج دەپارتامەنتى ەسكەرتەدى:
- بىرنەشە ەلەكتر قۇرىلعىنى ءبىر روزەتكاعا قوسۋعا قاتاڭ تىيىم سالىنادى;
- توق كوزدەرىنە قوسىلعان ەلەكتر قۇرىلعىلارىن ۇزاق ۋاقىت قاراۋسىز قالدىرۋعا بولمايدى;
- ەلەكتر قۇرىلعىسىنىڭ قاتتى قىزۋى نەمەسە سىمداردىڭ زاقىمدالعان وقشاۋلاۋى انىقتالعان جاعدايدا، ونى دەرەۋ توقتان اجىراتىڭىز.
