تارازداعى كافەلەردىڭ بىرىندە ايەلدەردىڭ اراسىندا جاپپاي توبەلەس ورىن الدى. وقيعا ۆيدەوعا ءتۇسىپ قالدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
«ەكى بەلگىسىز ايەل تارازداعى كافەنىڭ جازعى تەرراساسىندا وبلىس ورتالىعىنىڭ ەكى تۇرعىنىنا دەنە جاراقاتىن تيگىزدى، سودان كەيىن وقيعا ورنىنان بەلگىسىز باعىتقا قاشىپ كەتتى»، - دەپ حابارلادى جامبىل وبلىسى پوليتسيا دەپارتامەنتىنىڭ ءباسپاسوز قىزمەتى.
اتالعان فاكتى بويىنشا قىلمىستىق كودەكستىڭ 293-بابى 2-تارماعىنىڭ 1-بولىگى «ادامدار توبىندا جاسالعان بۇزاقىلىق» بويىنشا سوتقا دەيىنگى تەرگەۋ باستالدى.
«جەدەل-ىزدەستىرۋ ءىس-شارالارى بارىسىندا وسى قىلمىستىق قۇقىق بۇزۋشىلىق جاساعانى ءۇشىن 33 جاستاعى ەكى ازامات ۇستالدى. ءىس بويىنشا بىرقاتار سوت ساراپتامالارى تاعايىندالدى.
سونداي-اق اقبتك-ءنىڭ 425-بابى «حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردى بۇزۋ» بويىنشا كافە يەسىن اكىمشىلىك جاۋاپكەرشىلىككە تارتۋ بويىنشا سەس-كە ودان ءارى بەرۋ ءۇشىن ماتەريال جىبەرىلدى»، - دەپ تولىقتىردى پوليتسيا.
"ادىرنا" ۇلتتىق پورتالى
