ەردوعان مەن بايدەننىڭ ناتو سامميتىندە تۇسكەن سۋرەتى جەلىدە قىزۋ تالقىلانىپ جاتىر. وعان سەبەپ - ءساتسىز راكۋرس، دەپ حابارلايدى "ادىرنا" ۇلتتىق پورتالى nege.kz سايتىنا سىلتەمە جاساپ.
پاندەمياعا بايلانىستى قازىر جۇدىرىقپەن امانداسۋ ء“سان” بولىپ تۇر. ءسويتىپ تۇركيا باسشىسى بايدەنمەن امانداسپاق بوپ تۇرا بەرگەن بەتتە بىرنەشە كادر جاسالعان. سول جەردە قۇددى قولىن سۇيگەلى جاتقانداي كورىنىپ قالعان.
باتىستىق باق-تا ءدال سول سۋرەت تارالعانىنا ەردوعاننىڭ كەڭەسشىسى يسمايل سەسۋر قارسى شىعىپ، Financial Times باسىلىمى مۇنى قاساقانا جاسادى دەپ ايىپتادى.
ارتىنشا Reuters اگەنتتىگى جاعدايدىڭ قالاي بولعانىن ءتۇسىندىرىپ، قاتە تۇسىنىك قالىپتاسىپ قالماسىن دەپ تۇركيا باسشىسىنىڭ ورنىنان تۇرعالى جاتقانىن كورسەتىپ، وزگە دە كادرلاردى جاريالادى.
