شىمكەنتتە ءىرى كولەمدە نەسيە شىعارىپ بەرەمىن دەپ تۇرعىننىڭ 100 ملن تەڭگە تۇراتىن ءۇيىن ساتىپ، الداپ كەتكەن الاياق ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
«2021 جىلدىڭ 10 ماۋسىمىندا شىمكەنت قالاسى پوليتسيا دەپارتامەنتى ءال-فارابي اپب-نا جەرگىلىكتى تۇرعىن ارىزدانعان. جابىرلەنۋشىنىڭ ب.ەسىمدى تانىسى ءىرى كولەمدە نەسيە شىعارىپ بەرەمىن دەپ الداپ، وزىنە تيەسىلى قۇنى 100 000 000 تەڭگە تۇراتىن ءۇيىن نەسيە شىعارىپ بەرمەي، ءۇشىنشى تۇلعاعا راسىمدەپ جىبەرگەنىن جازىپ كورسەتكەن»،– دەلىنگەن حابارلامادا.
شىمكەنت قالاسى پد ءال-فارابي اپب كريمينالدىق پوليتسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا جەرگىلىكتى تۇرعىندى انىقتاپ، ۇستادى. تەكسەرۋ جۇمىستارى جۇرگىزىلۋدە.
«ادىرنا» ۇلتتىق پورتالى
