ساحنا ساڭلاعى ساحان دولدىۇلى اكەلەەۆ 63 جاسىندا دۇنيەدەن وزدى.
ول 1958 جىلى 15 جەلتوقساندا شىعىس قازاقستان وبلىسى تارباعاتاي اۋدانىنىڭ شىلىكتى اۋىلىندا تۋعان. قازاق. اكەسى - اكەلەەۆ دولدى بولەنبايۇلى (1907-1971). اناسى - اكەلەەۆا ادەمباي ابدىراحمانقىزى (1918-1990).
الماتى مەملەكەتتىك كوركەم تەاتر ينستيتۋتىن (1984) دراما جانە كينو اكتەرى ماماندىعى بويىنشا; قۇرمانعازى اتىنداعى الماتى مەملەكەتتىك كونسەرۆاتورياسىن (1991) كونتسەرتتىك- وپەرالىق ءانشى، دارىسكەر ماماندىعى بويىنشا بىتىرگەن. 14-تەن استام مۋزىكالىق شىعارمانىڭ اۋەنى مەن ءسوزىنىڭ اۆتورى، ونىڭ ىشىندە: «كازاقستانىم»، «جاستىقداۋرەن»، «ءمولدىر سەزىم»، «جاسۇلان»، «ۇلىما»، «التىن ۇيا مەكتەبىم».
ەڭبەك جولى:
1986 جىلدان - قازاق مەملەكەتتىك قىزدار پەداگوگيكالىق ينستيتۋتىنىڭ قازاق ءتىلى وقىتۋشىسى. 1988 جىلدان - اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ قوسالقى قۇرامىنىڭ ءارتىسى;
1993 جىلدان - قر قورعانىس مينيسترلىگى ورتالىق ءان جانە بي ءانسامبلىنىڭ كوركەم جەتەكشىسى، باس حورمەيستەرى;
2005 جىلدان - ج. شانين اتىنداعى قازاق مۋزىكالىق-دراما تەاترىنىڭ ۆوكال دارىسكەرى. 2006 جىلدان - قازاق سپورت جانە تۋريزم اكادەمياسىنىڭ مۋزىكالىق جەتەكشىسى;
2008 جىلدان - ت.ك. جۇرگەنوۆ اتىنداعى قازاق ۇلتتىق ونەر اكادەمياسى جەكە ءان ورىنداۋ كافەدراسىنىڭ اعا وقىتۋشىسى;
2009 جىلدان - الماتى قالاسىنداعى «شىعىس جۇلدىزدارى» بايقاۋىنىڭ ۇيىمداستىرۋشىسى;
2010 جىلدان بەرى - جامبىل اتىنداعى شىعىس قازاقستان وبلىستىق دراما تەاترىنىڭ ديرەكتورى. قازاقستان تەاتر قايراتكەرلەرى وداعىنىڭ مۇشەسى بولدى.
ماراپاتتارى:
اۋعانستان ارداگەرلەرى وداعىنىڭ «باتىر شاپاعاتى» مەدالىمەن (2010), قر قورعانىس مينيسترلىگىنىڭ (1997-2000), قر ءبىلىم جانە عىلىم مينيسترلىگىنىڭ (2010) گراموتالارىمەن ماراپاتتالعان. اسكەري اتاعى - زاپاستاعى مايور. ساحان دولدىۇلى - دىنگە بەرىك، ءدىندار كىسى بولعان.
تۋىستارى مەن جاقىندارىنا "ادىرنا" ۇلتتىق پورتالى ۇجىمى قايعىرىپ، كوڭىل ايتادى.
ەر ەسىمى - ەل ەسىندە!
