Sahna saŋlaǧy Sahan Doldyūly Äkeleev 63 jasynda dünieden ozdy.
Ol 1958 jyly 15 jeltoqsanda Şyǧys Qazaqstan oblysy Tarbaǧatai audanynyŋ Şılıktı auylynda tuǧan. Qazaq. Äkesı - Äkeleev Doldy Bölenbaiūly (1907-1971). Anasy - Äkeleeva Ädembai Äbdırahmanqyzy (1918-1990).
Almaty memlekettık körkem teatr institutyn (1984) drama jäne kino akterı mamandyǧy boiynşa; Qūrmanǧazy atyndaǧy Almaty memlekettık konservatoriiasyn (1991) konserttık- operalyq änşı, därısker mamandyǧy boiynşa bıtırgen. 14-ten astam muzykalyq şyǧarmanyŋ äuenı men sözınıŋ avtory, onyŋ ışınde: «Kazaqstanym», «Jastyqdäuren», «Möldır sezım», «Jasūlan», «Ūlyma», «Altyn ūia mektebım».
Eŋbek joly:
1986 jyldan - Qazaq memlekettık qyzdar pedagogikalyq institutynyŋ qazaq tılı oqytuşysy. 1988 jyldan - Abai atyndaǧy Memlekettık akademiialyq opera jäne balet teatrynyŋ qosalqy qūramynyŋ ärtısı;
1993 jyldan - QR Qorǧanys ministrlıgı Ortalyq än jäne bi ansamblınıŋ körkem jetekşısı, bas hormeisterı;
2005 jyldan - J. Şanin atyndaǧy Qazaq muzykalyq-drama teatrynyŋ vokal därıskerı. 2006 jyldan - Qazaq sport jäne turizm akademiiasynyŋ muzykalyq jetekşısı;
2008 jyldan - T.K. Jürgenov atyndaǧy Qazaq ūlttyq öner akademiiasy jeke än oryndau kafedrasynyŋ aǧa oqytuşysy;
2009 jyldan - Almaty qalasyndaǧy «Şyǧys Jūldyzdary» baiqauynyŋ ūiymdastyruşysy;
2010 jyldan berı - Jambyl atyndaǧy Şyǧys Qazaqstan oblystyq drama teatrynyŋ direktory. Qazaqstan Teatr qairatkerlerı odaǧynyŋ müşesı boldy.
Marapattary:
Auǧanstan Ardagerlerı odaǧynyŋ «Batyr Şapaǧaty» medalımen (2010), QR Qorǧanys ministrlıgınıŋ (1997-2000), QR Bılım jäne ǧylym ministrlıgınıŋ (2010) gramotalarymen marapattalǧan. Äskeri ataǧy - zapastaǧy maior. Sahan Doldyūly - dınge berık, dındar kısı bolǧan.
Tuystary men jaqyndaryna "Adyrna" ūlttyq portaly ūjymy qaiǧyryp, köŋıl aitady.
Er esımı - el esınde!
Ūqsas jaŋalyqtar
