اقش پرەزيدەنتى دجو بايدەن اقش رەسەيمەن جانجالداسپايتىنىن، الايدا، ەگەر رەسەي ۇكىمەتى زياندى ارەكەتتەرىن جالعاستىرا بەرسە، ۆاشينگتوننىڭ جاۋابى “قاتال “بولادى دەپ مالىمدەدى”، - دەپ حابارلايدى “ادىرنا” ۇلتتىق پورتالى.
اق ءۇي باسشىسى ەۋروپاعا سەگىز كۇندىك ساپارىن باستاپ ۇلىبريتانياعا ۇشىپ كەتتى. بايدەن ناتو باسشىلارىنىڭ سامميتىنە قاتىسادى. سونداي-اق رەسەي پرەزيدەنتى ۆلاديمير پۋتينمەن كەزدەسەدى.
ميلدەنحوللداعى كورولدىك اسكەري-اۋە بازاسىندا قىزمەت ەتەتىن اقش اسكەري ۇشقىشتارىمەن سويلەسكەن كەزدە اقش پرەزيدەنتى ۆاشينگتوننىڭ ترانساتلانتيكالىق سەرىكتەستىككە دەگەن «مىزعىماس» مىندەتتەمەسىن ناقتى كورسەتۋگە نيەتتى ەكەنىن ايتتى.
ء“بىز رەسەيمەن قاقتىعىس ىزدەپ وتىرعان جوقپىز. ءبىز تۇراقتى جانە بولجامدى قارىم-قاتىناستى قالايمىز ... بىراق مەن رەسەي ۇكىمەتى زياندى ارەكەتتەرمەن اينالىساتىن بولسا، اقش-تىڭ جاۋابى قاتاڭ ءارى ماقساتتى بولاتىنىن انىق ايتتىم”،- دەدى بايدەن.
Daily Mail-ءدىڭ حابارلاۋىنشا، پرەزيدەنتتىڭ ءسوز سويلەۋى الدىندا امەريكا قۇراما شتاتتارىنىڭ ءبىرىنشى حانىمى دجيلل بايدەن امەريكاندىق اسكەريلەرگە ءسوز سويلەدى. ول اسكەريلەرگە قىزمەتتەرى ءۇشىن العىسىن ءبىلدىرىپ، ءوزىنىڭ «بىرىككەن كۇشتەر» باستاماسى تۋرالى، ونىڭ بۇرىنعى ءبىرىنشى حانىم ميشەل وبامامەن بىرگە امەريكاندىق ساربازداردىڭ وتباسىلارىن قولداۋ ماقساتىندا قۇرعان توبى تۋرالى ايتتى.
«سىزدەر ەرەكشە ەكەندەرىڭىزدى بىلەسىزدەر دەپ ۇمىتتەنەمىن. ءبىز سىزدەرگە جانە وتباسىلارىڭىزعا قورعانىس قىزمەتى ءۇشىن ءدان ريزامىز»، - دەدى ول.
“ادىرنا” ۇلتتىق پورتالى
