Baıden: Reseı qıǵylyq salsa, AQSh qatań jazalaıdy

2277
Adyrna.kz Telegram

AQSh prezıdenti Djo Baıden AQSh Reseımen janjaldaspaıtynyn, alaıda, eger Reseı úkimeti zııandy áreketterin jalǵastyra berse, Vashıngtonnyń jaýaby “qatal “bolady dep málimdedi”, - dep habarlaıdy “Adyrna” ulttyq portaly.

Aq úı basshysy Eýropaǵa segiz kúndik saparyn bastap Ulybrıtanııaǵa ushyp ketti. Baıden NATO basshylarynyń sammıtine qatysady. Sondaı-aq Reseı prezıdenti Vladımır Pýtınmen kezdesedi.

Mıldenholldaǵy Koroldik áskerı-áýe bazasynda qyzmet etetin AQSh áskerı ushqyshtarymen sóılesken kezde AQSh prezıdenti Vashıngtonnyń transatlantıkalyq seriktestikke degen «myzǵymas» mindettemesin naqty kórsetýge nıetti ekenin aıtty.

“Biz Reseımen qaqtyǵys izdep otyrǵan joqpyz. Biz turaqty jáne boljamdy qarym-qatynasty qalaımyz ... Biraq men Reseı úkimeti zııandy árekettermen aınalysatyn bolsa, AQSh-tyń jaýaby qatań ári maqsatty bolatynyn anyq aıttym”,- dedi Baıden.

Daily Mail-diń habarlaýynsha, prezıdenttiń sóz sóıleýi aldynda Amerıka Qurama Shtattarynyń birinshi hanymy Djıll Baıden amerıkandyq áskerılerge sóz sóıledi. Ol áskerılerge qyzmetteri úshin alǵysyn bildirip, óziniń «Birikken kúshter» bastamasy týraly, onyń burynǵy birinshi hanym Mıshel Obamamen birge amerıkandyq sarbazdardyń otbasylaryn qoldaý maqsatynda qurǵan toby týraly aıtty.

«Sizder erekshe ekenderińizdi bilesizder dep úmittenemin. Biz sizderge jáne otbasylaryńyzǵa qorǵanys qyzmeti úshin dán rızamyz», - dedi ol.

“Adyrna” ulttyq portaly

Pikirler