اراب ەلدەرى قىتاي بيلىگى قۋدالاۋعا ۇشىراتقان ۇيعىرلاردى بەيجىڭگە بەرۋدە دەپ جازادى باتىستىق باق وكىلدەرى. ولار ۇيعىرلاردىڭ كوپشىلىگى قىتاي قۇرىعىنان وزگە ەلدە دە قۇتىلا المايتىندىعىن جازعان. ال ۇيعىر ماسەلەسى قىتاي مەن وزگە ەلدەردىڭ اراسىنداعى "ساۋدالاسۋ قۇرالىنا" اينالىپ كەتكەنى ايتىلادى.
CNN-ءنىڭ حابارلاۋىنشا ساۋد ارابياسى، بىرىككەن اراب امىرلىكتەرى جانە ەگيپەت سياقتى ەلدەر قحر-عا ۇيعىرلاردى جۇيەلى تۇردە دەپورتاتسيالايدى. امەريكاندىق تەلەارنا مۇسىلمان ەلدەرىندەگى ۇيعىرلاردى بەيجىڭنىڭ ءوتىنىشى بويىنشا ۇستاپ، ەكستراديتسيالايتىنىن ايتتى.
راستاۋ رەتىندە تەلەارنا اقش-تا تۇراتىن جانە قۋدالاۋعا ۇشىراعان ۇيعىرلارمەن بولعان بىرنەشە سۇحباتتاردى، سونداي-اق ساۋد ارابياسىنان، ءباا نەمەسە ەگيپەتتەن از ۇلت وكىلدەرىنىڭ ەكستراديتسياسى تۋرالى بىرنەشە قۇجاتتىق دالەلدەردى كەلتىرەدى.
CNN-ءنىڭ مالىمەتىنشە ۇيعىرلار تاياۋ شىعىستاعى ءدىني قاقتىعىستارعا بايلانىستى بارلىق مۇسىلمان ەلدەرىنە بارا المايدى. ال كوپتەگەن ەلدەر بەيجىڭمەن ەكونوميكالىق بايلانىسىنىڭ جوعارى بولۋىنا بايلانىستى قىتايمەن قاقتىعىسقا ءتۇسۋدى قالامايدى.
"ادىرنا" ۇلتتىق پورتالى
